Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Nov. 1

“Ani osusuɔ akɛ kɛ́ mɛi ba amɛhe shi waa lɛ, je lɛŋ shihilɛ baahi? [Ŋmɛɛ gbɛ ni eha hetoo.] Kadimɔ nɔ ni Yesu wie yɛ su nɛɛ he. [Kanemɔ Mateo 23:12.] Wolo tɛtrɛɛ nɛɛ wieɔ sɛɛnamɔ ni yɔɔ he shi ní aaaba yɛ jeŋ ni akaŋshii mumɔ eyi mli nɛɛ mli lɛ he.”

Awake! Nov.

“Be ko ni eho lɛ, mɛi kwɛɔ Biblia lɛ mli kɛha gbɛtsɔɔmɔ. Shi amrɔ nɛɛ, mɛi babaoo kɛɔ akɛ amɛyiŋ etɛɛɛ amɛ yɛ Biblia lɛ he. Te bo hu osusuɔ tɛŋŋ? [Ŋmɛɛ gbɛ ni eha hetoo. No sɛɛ lɛ kanemɔ 2 Timoteo 3:16.] Awake! wolo krɛdɛɛ nɛɛ kɛ odaseyelii ni yɔɔ faŋŋ ni tsɔɔ akɛ Nyɔŋmɔ mumɔ krɔŋkrɔŋ lɛ nɔ atsɔ aŋma Biblia lɛ haa.”

Buu-Mɔɔ Nov. 15

“Wɔteŋ mɔ fɛɛ mɔ miisumɔ ni ená miishɛɛ yɛ shihilɛ mli. Ani okɛ nɔ ni Yesu wie yɛ ŋmalɛ nɛɛ mli ni tsɔɔ nɔ ni kɛ miishɛɛ baa lɛ kpãa gbee? [Kanemɔ Mateo 5:3. No sɛɛ lɛ ŋmɛɛ gbɛ ni eha hetoo.] Wolo tɛtrɛɛ nɛɛ gbalaa bɔ ni kɛ́ wɔtsu henumɔ ni akɛfɔ́ wɔ akɛ wɔja Nyɔŋmɔ lɛ he nii lɛ ehaa wɔnáa miishɛɛ kɛ yiŋtoo kpakpa yɛ wɔshihilɛ mli lɛ mli.”

Awake! Nov.

“Yɛ nɛkɛ wɔbei ni jeŋ nilee kɛ yiŋkɔshikɔshifeemɔ etee hiɛ waa nɛɛ mli lɛ, mɛi pii susuɔ akɛ Biblia lɛ be eho. Te osusuɔ tɛŋŋ yɛ sane nɛɛ he? [Ŋmɛɛ gbɛ ni eha hetoo.] Ani ole akɛ saji fɛɛ ni Biblia lɛ wieɔ he ni kɔɔ jeŋ nilee he lɛ ja? [Kanemɔ Hiob 26:7.] Awake! wolo krɛdɛɛ nɛɛ kɛ yiŋtoi kpakpai ni tsɔɔ nɔ hewɔ ni Biblia lɛ ja lɛ haa.”