Nitsumɔ Gbɛjianɔtoo Hee ni Ato Shishi

Buu-Mɔɔ ni je kpo yɛ January 15, 2001 lɛ bɔ amaniɛ yɛ bɔ ni Yehowa Odasefoi kã he amɛyaa hiɛ kɛ Maŋtsɛyeli nitsumɔ lɛ yɛ shikpɔŋ lɛ nɔ he fɛɛ he yɛ gbɛjianɔtoo naa lɛ he. Etsɔɔ bɔ ni akɛ mla naa gbɛjianɔtoo srɔtoi tsuɔ nii ákɛ dɛŋdadei koni akɛha sanekpakpa lɛ gbɛɛ kɛ shwamɔ afee mlɛo lɛ hu mli. Gbɛjianɔtoi loo nitsumɔ gbɛjianɔtoi ni tamɔ nɛkɛ lɛ ahe miihia koni ekɛ mlai ni yɔɔ he ni wɔyɔɔ kɛ maŋ mla akpã gbee, taakɛ Nyɔŋmɔ Wiemɔ lɛ kpaa gbɛ lɛ. (Rom. 13:1) Yɛ shihilɛi ni yɔɔ srɔto lɛ kɛ bɔ ni wɔnitsumɔ lɛ yɔɔ ha hewɔ lɛ, Nɔyeli Kuu lɛ ekpɛlɛ nɔ akɛ ato nitsumɔ gbɛjianɔtoi komɛi afata he koni etsu Yehowa Odasefoi ni yɔɔ biɛ yɛ Ghana lɛ ahiamɔ nibii komɛi ahe nii. Nitsumɔ gbɛjianɔtoo hee lɛ nyiɛ sɛɛ nɛɛ:

Yehowa Odasefoi

a-Kristofoi Asafo

Watch Tower Bible and Tract Society of Ghana

Enɛɛmɛi baafata Watch Tower Bible and Tract Society of Pennsylvania kɛ Watchtower Bible and Tract Society of New York, Inc., ni yɔɔ U.S. lɛ ahe kɛtsu nii. Asafoi kɛ shiɛlɔi anine baanyɛ ashɛ woji anɔ kɛjɛ nitsumɔ gbɛjianɔtoi nɛɛ ateŋ eko fɛɛ eko dɛŋ. Hiɛ baasɔ ekome ni nyɛkɛ Nɔyeli Kuu lɛ baafee ni nyɛkpɛlɛ tsakemɔi nɛɛ anɔ koni enyɛ etsu nitsumɔ ni akɛwo edɛŋ akɛ ekwɛ Nuntsɔ lɛ nibii lɛ fɛɛ anɔ lɛ he waa diɛŋtsɛ.—Mat. 24:45-47.