Nɔ ni Esa akɛ Owie yɛ Woji Tɛtrɛbii lɛ Ahe

The Watchtower Jan. 15

“Mɛi babaoo kɛ amagai tsuɔ nii yɛ amɛjamɔ mli. Ani osusuɔ akɛ amagai ni tamɔ nɛkɛ yɛ hewalɛ ni akɛhereɔ mɔ yiwala? [Ŋmɛɛ gbɛ ni ewie.] Ofainɛ, kadimɔ nɔ ni anɔkwa Nyɔŋmɔ lɛ baafee aha wɔ lɛ. [Kanemɔ Kpojiemɔ 21:3, 4.] Nyɔŋmɔ, ni ji mɔ ni yɔɔ diɛŋtsɛ lɛ pɛ baanyɛ atsu enɛ. Nɛkɛ wolo tɛtrɛɛ nɛɛ tsɔɔ mɔ ni eji kɛ bɔ ni wɔbaaná he sɛɛ kɛtsɔ wɔhiɛ ni wɔkɛaafɔ̃ enɔ lɛ nɔ.”

Awake! Jan. 22

“Ekolɛ wɔbaabu he ko ni wɔyɔɔ ni wɔbaanyɛ wɔtsɛ jɛmɛ akɛ shia lɛ akɛ nɔ ko kɛkɛ. Shi abobalɔi akpekpei abɔ yɛ jeŋ fɛɛ, ni amɛnyiɛ ni amɛbɛ yelikɛbuamɔ ko, ni amɛnaaa shweshweeshwe shihilɛ ni amɛtaoɔ lɛ. Awake! lɛ pɛiɔ nɔ hewɔ ni naagba nɛɛ yɔɔ, kɛ agbɛnɛ hu Biblia lɛ shiwoo akɛ mɛi fɛɛ baaná amɛ diɛŋtsɛ amɛshia gbi ko lɛ mli.”

The Watchtower Feb. 1

“Asusuɔ nibii ni ebɔle wɔ lɛ amli mujiwoo he babaoo. Shi ani osusu jwɛŋmɔ lɛ mli muji ni awoɔ lɛ he pɛŋ? [Ŋmɛɛ gbɛ ní ewie] Biblia lɛ ma bɔ ni ehe hiaa ni wɔhe atse yɛ gbɔmɔtsoŋ kɛ mumɔŋ gbɛfaŋ fɛɛ lɛ nɔ mi. [Kanemɔ 2 Korintobii 7:1.] Miheɔ miyeɔ akɛ obaana sane nɛɛ akɛ nɔ ni yeɔ ebuaa ní anyɛɔ atsuɔ he nii diɛŋtsɛ.”

Awake! Feb. 8

“Ŋwanejee ko bɛ he akɛ ona akɛ yɛ be mli ni gbalashihilɛi pii jeɔ shishi yɛ miishɛɛ mli lɛ, babaoo fiteɔ. Masumɔ ni mashi Awake! nɛɛ maha bo, akɛni ewieɔ Biblia lɛ susumɔ yɛ bɔ ni ahaa gbalashihilɛ feɔ nɔ ni sɛɛ tsɛɔ ni miishɛɛ yɔɔ mli lɛ hewɔ.”