Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Jan. 1

“Mɛi babaoo shweɔ ni toiŋjɔlɛ ahi shikpɔŋ lɛ nɔ. Ani osusuɔ akɛ wɔbaana ni nɛkɛ wiemɔi nɛɛ eba mli gbi ko? [Kanemɔ Lala 46:10. No sɛɛ lɛ ŋmɛɛ gbɛ ni eha hetoo.] Buu-Mɔɔ nɛɛ wieɔ bɔ ni enɛ baaba mli aha kɛ nɔ hewɔ ni wɔbaanyɛ wɔná nɔmimaa yɛ Nyɔŋmɔ shiwoo ni kɔɔ jeŋ ni ta bɛ mli he lɛ he.”

Awake! Jan. 8

“Henumɔŋ naagbai, tamɔ nɔnyɛɛ kɛ jwɛŋmɔ mli naagba gbaa gbɔmɛi akpekpei abɔ naa yɛ jeŋ fɛɛ. Wɔ-Bɔlɔ lɛ susuɔ mɛi ni tamɔ nɛkɛ lɛ ahe waa diɛŋtsɛ. [Kanemɔ Lala 34:19.] Wolo tɛtrɛɛ nɛɛ wieɔ yelikɛbuamɔ ni abaanyɛ akɛha mɛi ni hela nɛɛ gbaa amɛnaa lɛ he. Ewieɔ Biblia mli shiwoo akɛ etsɛŋ ni abaajie helai fɛɛ kɛya lɛ hu he.”

Buu-Mɔɔ Jan. 15

“Akɛni gbii etɛ nɛɛ lɛ ayeee shiwoi anɔ hewɔ lɛ, ewaa kɛhaa mɛi babaoo akɛ amɛkɛ amɛhe aaafɔ mɔ ko nɔ. Ani osusuɔ akɛ mɔ ko yɛ ni wɔbaanyɛ wɔkɛ wɔhe afɔ eshiwoi anɔ? [Ŋmɛɛ gbɛ ni eha hetoo. No sɛɛ lɛ kanemɔ Yoshua 23:14.] Wolo tɛtrɛɛ nɛɛ tsɔɔ bɔ ni wɔɔfee wɔná hekɛnɔfɔɔ yɛ Nyɔŋmɔ shiwoi ni aŋmala yɛ Biblia lɛ mli lɛ mli.”

Awake! Jan. 22

“Nɛkɛ ji bɔ ni atsɛɔ Nyɔŋmɔ gbɛi lɛ yɛ Hebri wiemɔ mli. [Okɛ wolo lɛ sɛɛ atsɔɔ.] Mɛi komɛi nuɔ he waa akɛ esaaa ni atsɛɔ gbɛi nɛɛ kɔkɔɔkɔ. Mɛi krokomɛi kɛtsuɔ nii ni amɛshashaooo shi. Awake! nɛɛ pɛiɔ naataamɔ nɛɛ mli. Ewieɔ bɔ ni wɔbaanyɛ wɔle Nyɔŋmɔ kɛ egbɛi lɛ hu he.” Kanemɔ Lala 83:19.