Nɔ ni Esa akɛ Owie yɛ Woji Tɛtrɛbii lɛ Ahe

The Watchtower Jan. 15

“Yɛ lashishwiemɔ babaoo ni etee nɔ lɛ hewɔ lɛ, ani osusuɔ akɛ efɔŋ eye ekpakpa nɔ kunim? [Ŋmɛɛ gbɛ ni eha hetoo.] Kadimɔ nɔ ni Biblia lɛ kɛɔ yɛ Nyɔŋmɔ he. [Kanemɔ Lala 83:19b.] Akɛni Nyɔŋmɔ ji Mɔ ni Nɔ Kwɔ Fe Fɛɛ yɛ shikpɔŋ lɛ nɔ hewɔ lɛ, ani efɔŋ baanyɛ aye kunim lɛɛlɛŋ? [Ŋmɛɛ gbɛ ni eha hetoo.] Buu-Mɔɔ nɛɛ kɛ nakai sanebimɔi lɛ ahetoo ni haa mɔ tsui nyɔɔ emli haa.”

Awake! Jan. 22

“Wɔ shweshweeshwe shihilɛ miibote oshara mli fe be fɛɛ ni eho. Naagba ko ni miiya nɔ waa ji nɔ ni atsɛɔ lɛ akɛ mɛi agbɛi ni mɛi krokomɛi juɔ. Ani onu enɛ he? [Ŋmɛɛ gbɛ ni eha hetoo.] Biblia lɛ woɔ shi akɛ, gbi ko baaba ni shikpɔŋ nɛɛ baaye ehe kwraa kɛjɛ osharai fɛɛ ni akɛbaa shweshweeshwe shihilɛ nɔ lɛ he. [Kanemɔ Yesaia 11:9.] Nɛkɛ wolo tɛtrɛɛ nɛɛ tsɔɔ bɔ ni abaafee atsu enɛ he nii aha lɛ mli.”

The Watchtower Feb. 1

“Ŋmɛnɛ, mɛi babaoo haoɔ yɛ nitsumɔ ni anáaa atsu lɛ hewɔ, ni mɛi krokomɛi yɛ nɔnyɛɛi ni naa wa waa mli yɛ nitsumɔhei. Ani osusuɔ akɛ abaanyɛ aná miishɛɛ ni anu he akɛ ayɛ shweshweeshwe yɛ nitsumɔhe? [Ŋmɛɛ gbɛ ni eha hetoo. No sɛɛ lɛ, kanemɔ Yesaia 65:21-23.] Buu-Mɔɔ nɛɛ wieɔ be ko ni mɛi fɛɛ baaná nitsumɔ ni haa mɔ tsui nyɔɔ emli lɛ he.”

Awake! Feb. 8

“Awake! nɛɛ bɔɔ shihilɛ ko ni yɔɔ gbeyei—gbekɛbii ni akɛwɔɔ—ni yaa nɔ diɛŋtsɛ yɛ wɔbe nɛɛ amli lɛ he amaniɛ. Nɛkɛ gbekɛbii aniseniianiifeemɔ ni esaaa nɛɛ ji nɔ ko ni Biblia lɛ ewo shi yɛ he akɛ etsɛŋ ni esɛɛ baafo. [Kanemɔ Abɛi 2:21, 22.] Nɛkɛ wolo tɛtrɛɛ nɛɛ tsɔɔ nɔ ni hɔ gbekɛbii ni akɛ amɛ tsuɔ nii yɛ gbɛ ni ejaaa ni tamɔ nɛkɛ nɔ lɛ sɛɛ, kɛ agbɛnɛ gbɛ ni abaatsɔ nɔ koni afo sɛɛ.”