Nɔ ni Esa akɛ Owie yɛ Woji Tɛtrɛbii lɛ Ahe

The Watchtower Feb. 15

“Ani oheɔ oyeɔ akɛ jalɛ nɔyeli baanyɛ aha shikpɔŋ nɛɛ afee he ko kpakpa ni wɔbaanyɛ wɔhi? [Ŋmɛɛ gbɛ ni eha hetoo.] Ofainɛ, kadimɔ shiwoi ni Biblia lɛ kɛhaa lɛ. [Kanemɔ Lala 37:11.] Wɔbaanyɛ wɔná nakai toiŋjɔlɛ, ni baaba mli diɛŋtsɛ lɛ mli ŋɔɔmɔ yɛ Hiɛnyiɛlɔ kpakpa shishi, mɔ ni awie ehe yɛ woji nɛɛ amli lɛ.”

Awake! Feb. 22

“Shikpɔŋhosomɔi baanyɛ ekɛ gbele kɛ hiɛkpatamɔ babaoo aba. Bei pii lɛ, mɛi ni jeɔ mli lɛ ashiai fiteɔ, ni amɛbɛ nɔ ko ni amɛkɛaasaa ekoŋŋ. Awake! nɛɛ etsɔɔ bɔ ni mɛi ni je mli lɛ enyɛ ekpee nɔ ni jɛ shikpɔŋhosomɔ ko mli kɛba lɛ naa lɛ mli. Etsɔɔ bɔ ni shikpɔŋhosomɔi hu ebafee Biblia mli gbalɛ ni he hiaa fe fɛɛ lɛ mli.”

The Watchtower Mar. 1

“Ha magba bo sane ni haa mɔ tsui nyɔɔ emli ni yɔɔ Biblia lɛ mli lɛ eko. [Kanemɔ Mateo 22:37.] Mɛni osusuɔ akɛ enɛ ji? [Ŋmɛɛ gbɛ ni eha hetoo.] Kadimɔ sane nɛɛ, nɔ ni ji ‘Okɛ Otsui kɛ Ojwɛŋmɔ Atao Nyɔŋmɔ Sɛɛgbɛ.’ Ani esa akɛ anɔkwa hemɔkɛyeli akɔ tsui lɛ he kɛkɛ, loo esa akɛ ekɔ jwɛŋmɔ lɛ hu he? Hetoo lɛ haa mɔ leɔ nii waa.”

Awake! Mar. 8

“Taakɛ ole lɛ, weku kwɛmɔ ji nitsumɔ ko ni wa waa yɛ wɔgbii nɛɛ amli, ni ákɛ aaatsɔ nyɛ lɛ, eji nitsumɔ ko ni haaa mɔ aná dekã. Awake! nɛɛ wieɔ sane ko ni yɔɔ miishɛɛ yɛ saneyitso ni ji ‘Motherhood—Does It Take a Superwoman?’ (Nyɛfeemɔ—Ani Ebiɔ Hewalɛ ni Fe Adesai Anɔ) lɛ he. Masumɔ ni mashi enɛ maha bo.”