Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Mar. 1

“Mɛi babaoo susuɔ akɛ Nyɔŋmɔ kpɛlɛɔ jamɔi fɛɛ anɔ. Ani osusuɔ akɛ esa akɛ agba he naa yɛ jamɔ ko ni mɔ ko halaa lɛ he? [Ŋmɛɛ gbɛ ni eha hetoo.] Kwɛmɔ ŋaawoo ni Biblia lɛ kɛhaa. [Kanemɔ 1 Yohane 4:1.] Wolo tɛtrɛɛ nɛɛ tsɔɔ bɔ ni wɔɔfee wɔka tsɔɔmɔi wɔkwɛ akɛ Nyɔŋmɔ mli amɛjɛ lo lɛ mli. Etsɔɔ bɔ ni fee ni jamɔi srɔtoi lɛ je shishi lɛ hu mli.”

Awake! Mar. 8

“Mɛɛ naagbai osusuɔ akɛ oblahii kɛ oblayei kɛkpeɔ ŋmɛnɛ? [Ŋmɛɛ gbɛ ni eha hetoo.] Ŋmalɛ nɛɛ tsɔɔ naagbai lɛ ateŋ ekome, ni ji bɔ ni aaafee aná nanemɛi kpakpai. [Kanemɔ Abɛi 13:20.] Wolo nɛɛ tsɔɔ osharai ni yɔɔ Internet lɛ ni akɛtsuɔ nii kɛtaoɔ nanemɛi lɛ he kɛ bɔ ni aaafee abu oblahii kɛ oblayei ahe lɛ mli.”

Buu-Mɔɔ Mar. 15

“Mɛi fɔɔ Yesu Kristo baa lɛ he wiemɔ. Ani osusuɔ akɛ eji nifeemɔ ko ni esa akɛ wɔkpa lɛ gbɛ loo wɔshe he gbeyei? [Ŋmɛɛ gbɛ ni eha hetoo.] Kwɛmɔ bɔ ni Biblia ŋmalɔ Yohane nu he eha. [Kanemɔ Kpojiemɔ 22:20.] Wolo tɛtrɛɛ nɛɛ tsɔɔ nɔ ni baajɛ Kristo baa lɛ mli aba lɛ mli.”

Awake! Mar. 22

“Etamɔ nɔ ni je lɛŋ nɔyelɔi babaoo woɔ amɛhe nɔ waa. Ani osusuɔ akɛ su nɛɛ baaha toiŋjɔlɛ kɛ ekomefeemɔ ahi je lɛ mli? [Ŋmɛɛ gbɛ ni eha too.] Naa nɔ ni Biblia lɛ wieɔ yɛ henɔwomɔ he. [Kanemɔ Abɛi 16:18.] Sane nɛɛ tsɔɔ sɛɛnamɔi ni yɔɔ heshibaa he.” Okɛ sane ni jeɔ shishi yɛ baafa 20 lɛ atsɔɔ lɛ.