Nɔ ni Esa akɛ Owie yɛ Woji Tɛtrɛbii lɛ Ahe
The Watchtower Nov. 15
“Mɛi komɛi esusu kɛji akɛ sɔlemɔi kɛ sɔlemɔtsui ahe miihia koni ajá Nyɔŋmɔ yɛ mli. Te osusuɔ tɛŋŋ? [Ŋmɛɛ gbɛ ni eha hetoo.] Kadimɔ nɔ ni Biblia lɛ kɛɔ yɛ sane nɛɛ he. [Kanemɔ Bɔfoi lɛ Asaji 17:24.] Belɛ, mɛɛ yiŋtoo he nii esa akɛ jamɔhei atsu? Nɛkɛ wolo tɛtrɛɛ nɛɛ kɛ nakai sanebimɔ lɛ hetoo ni jɛ Ŋmalɛ lɛ mli lɛ haa.”
Awake! Nov. 22
“Ani osusuɔ akɛ jeŋnilee kɛ helai baaba naagbee gbi ko? [Ŋmɛɛ gbɛ ni eha hetoo.] Nɛkɛ Awake! nɛɛ pɛiɔ hiɛyaai komɛi ni etee nɔ yɛ jeŋnilee mli lɛ mli. Etsɔɔ nɔ hewɔ hu ni Bɔlɔ lɛ pɛ yɔɔ hewalɛ ni ekɛaajie hela kɛ gbele lɛ mli.” Kanemɔ Lala 146:3-5, ni okɛ woji tɛtrɛbii lɛ aha.
The Watchtower Dec. 1
“Yɛ bei nɛɛ amli lɛ, ewa kɛha mɔ fɛɛ mɔ akɛ eeená edaaŋ ŋmãa. Nakai nɔŋŋ eji anɔkwale yɛ sɔlemɔi lɛ amli, ni onia ni abiɔ ni atsu lɛ mli ewa waa diɛŋtsɛ. Ani enɛ gbaa onaa? [Ŋmɛɛ gbɛ ni eha hetoo. Agbɛnɛ kanemɔ 1 Tesalonikabii 2:9.] Buu-Mɔɔ susuɔ nɔ ni Biblia lɛ kɛɔ yɛ enɛ he lɛ he.”
Awake! Dec. 8
“Yɛ gbɔmɛi ni kɛ awuiyeli nibii tutuaa mɛi lɛ ahegbeyeiwoi hewɔ lɛ, mɛi babaoo esusu kɛji akɛ kɔɔyɔŋ lɛlɛ mli ni aaata lɛ yɛ shweshweeshwe. Ani enɛ gbaa onaa? [Ŋmɛɛ gbɛ ni eha hetoo.] Biblia lɛ kpɛlɛɔ nɔ akɛ mɔ ko mɔ ko yeee ehe kɛjɛɛɛ osharai ni baa lɛ ahe. [Kanemɔ Jajelɔ 9:11.] Shi kɛlɛ, nɛkɛ Awake! nɛɛ susuɔ bɔ ni ooonyɛ ofee ni oha oshweshweeshwefeemɔ kɛ miishɛɛ ni oyɔɔ beni ota kɔɔyɔŋ lɛlɛ mli lɛ aya hiɛ lɛ he.”