Nɔ ni Esa akɛ Owie yɛ Woji Tɛtrɛbii lɛ Ahe

The Watchtower Mar. 15

“Ani osusuɔ akɛ abaanyɛ akɛ Yesu nitsɔɔmɔi lɛ atsu nii yɛ wɔbe nɛɛ mli? [Ŋmɛɛ gbɛ ni eha hetoo.] Ŋwanejee ko kwraa bɛ he akɛ okɛ famɔ nɛɛ ni Yesu kɛha yɛ ewala shihilɛ mli naagbee gbi lɛ nɔ lɛ kpaa gbee. [Kanemɔ Yohane 15:12.] Yesu tsɔɔ nikasemɔi krokomɛi ni sɛɛnamɔ yɔɔ he yɛ nakai gbi lɛ nɔ hu. Buu-Mɔɔ nɛɛ tsɔɔ bɔ ni wɔbaafee wɔná enɛɛmɛi ahe sɛɛ.”

Awake! Mar. 22

“Ani oyɔse akɛ gbii etɛ nɛɛ mɛi babaoo nyɛɛɛ awɔ jogbaŋŋ? [Ŋmɛɛ gbɛ ni eha hetoo.] Yeyeeyefeemɔ loo haomɔ baanyɛ ekɛ enɛ aba. [Kanemɔ Jajelɔ 5:11.] Nɛkɛ wolo tɛtrɛɛ nɛɛ pɛiɔ nibii komɛi ni haaa anyɛ awɔ lɛ mli, ni ekɛ ŋaawoi ni anyɛɔ atsuɔ he nii ni tsɔɔ bɔ ni wɔbaafee ni wɔha wɔwɔɔ mli sui ahi lɛ haa.”

The Watchtower Apr. 1

“Nɔ ni atɛŋ yɛ biɛ lɛ ji niyenii ni afɔɔ lɛ tsɛmɔ akɛ Naagbee Gbɛkɛnaashi Niyenii lɛ. [Okɛ wolo tɛtrɛɛ lɛ hiɛ kɛ esɛɛ atsɔɔ.] Ani ole akɛ no pɛ ji nifeemɔ ni afã Kristofoi akɛ amɛkai? [Ŋmɛɛ gbɛ ni eha hetoo. No sɛɛ lɛ kanemɔ Luka 22:19.] Nɛkɛ wolo tɛtrɛɛ nɛɛ tsɔɔ nɔ hewɔ ni gbijurɔyeli nɛɛ he hiaa waa lɛ, kɛ bɔ ni ekɔɔ ohe.”

Awake! Apr. 8

“Ani ejeee awerɛho sane akɛ tsofai fɔji efite oblahii kɛ oblayei babaoo ashihilɛi? [Ŋmɛɛ gbɛ ni eha hetoo.] Bei babaoo lɛ naagbai jeɔ shishi ebaa kɛji akɛ oblahii kɛ oblayei kɛ amɛhe yabɔ nanemɛi gbohii ahe. [Kanemɔ 1 Korintobii 15:33.] Nɛkɛ Awake! wolo tɛtrɛɛ nɛɛ pɛiɔ nɔ ni náa oblahii kɛ oblayei anɔ hewalɛ ni ehaa amɛjeɔ shishi amɛkɛ tsofai fɔji tsuɔ nii, kɛ nɔ ni fɔlɔi baanyɛ afee kɛbu amɛhe lɛ mli.”