Nɔ ni Esa akɛ Owie yɛ Woji Tɛtrɛbii lɛ Ahe

The Watchtower June 15

“Mɛi komɛi nuɔ he akɛ Yesu ji gbɔmɔ ni fe mɔ fɛɛ mɔ yɛ yinɔsane mli. Mɛi krokomɛi biɔ kɛji akɛ eji mɔ ko ni ba shihilɛ mli po. Ani osusuɔ akɛ nɔ ni wɔheɔ wɔyeɔ yɛ ehe lɛ he miihia? [Kɛ eha hetoo sɛɛ lɛ, kanemɔ Bɔfoi lɛ Asaji 4:12.] Mɛɛ odaseyeli yɔɔ ni tsɔɔ akɛ Yesu hi shikpɔŋ lɛ nɔ lɛɛlɛŋ? Nɛkɛ wolo tɛtrɛɛ nɛɛ pɛiɔ nakai sanebimɔ lɛ mli.”

Awake! June 22

“Mɛi babaoo susuɔ shihilɛhei ni ebɔle wɔ lɛ he waa. Ani osusuɔ akɛ abaanyɛ abaa je lɛŋ kooi ni nugbɔ nɛɔ yɛ mli lɛ ayi? [Ŋmɛɛ gbɛ ni eha hetoo.] Nɛkɛ wolo tɛtrɛɛ nɛɛ tsɔɔ mɔdɛŋ ni abɔɔ bianɛ koni akɛbaa kooi ni nugbɔ fɔɔ nɛmɔ yɛ mli lɛ ayi. Ewieɔ bɔ ni nɛkɛ shiwoo ni hi jogbaŋŋ ni jɛ Nyɔŋmɔ ŋɔɔ nɛɛ hu baaba mli lɛ he.” Kanemɔ Yesaia 11:9.

The Watchtower July 1

“Ákɛ adesai lɛ, wɔhiamɔ nii titrii lɛ ateŋ eko ji ni wɔsumɔ mɛi koni asumɔ wɔ. [Kanemɔ wiemɔ ni atsɛ yisɛɛ ni jeɔ sane lɛ shishi lɛ ni yɔɔ baafa 4 lɛ.] Kɛlɛ, ani oyɔse akɛ bei pii lɛ, ŋmɛnɛŋmɛnɛ je lɛ kɛ nibii krokomɛi yeɔ klɛŋklɛŋ gbɛhe? [Ŋmɛɛ gbɛ ni eha hetoo.] Nɛkɛ wolo tɛtrɛɛ nɛɛ wieɔ nɔ ni anɔkwa suɔmɔ ji lɛ he kɛ bɔ ni abaanyɛ afee koni aná.” Kanemɔ 1 Korintobii 13:2.

Awake! July 8

“Mɛi pii naa yiwalɛ nifeemɔi ni nilee bɛ mli ni yaa hiɛ lɛ akɛ eji nɔ ni haoɔ mɔ. [Tsĩi nɔkwɛmɔnɔ ko ni ale yɛ he ni oyɔɔ lɛ tã, ni oŋmɛ gbɛ ni eha hetoo.] Nɛkɛ wolo tɛtrɛɛ nɛɛ pɛiɔ nibii ni kɛ basabasafeemɔ mli awuiyeli baa lɛ ekomɛi amli. Etsɔɔ bɔ ni Nyɔŋmɔ baajie awuiyeli kɛ yiwalɛ nifeemɔ kɛya kwraa lɛ hu mli.” Kanemɔ Lala 37:10, 11.