Nɔ ni Esa akɛ Owie yɛ Woji Tɛtrɛbii lɛ Ahe
Buu-Mɔɔ May 1
“Kɛji akɛ wɔsuɔlɔ ko gbo lɛ, yɛ adebɔɔ naa lɛ wɔsumɔɔ ni wɔna lɛ ekoŋŋ. Ani okɛ mi kpaaa gbee? [Ŋmɛɛ gbɛ ni eha hetoo.] Biblia mli shiwoo ni kɔɔ gbohiiashitee he lɛ eshɛje mɛi babaoo amii. [Kanemɔ Yohane 5:28, 29.] Wolo tɛtrɛɛ nɛɛ tsɔɔ wɔ be ni gbohiiashitee lɛ baaba, kɛ mɛi tuuntu ni abaatee amɛ shi.”
Awake! May 8
“Fɔlɔi babaoo kwɛɔ jogbaŋŋ yɛ sinii ni amɛŋmɛɔ amɛbii agbɛ akɛ amɛkwɛ lɛ ahe. Ani eji nɔ ni wa kɛha bo akɛ ooohala sinii ni hi kɛha oweku lɛ? [Ŋmɛɛ gbɛ ni eha hetoo. No sɛɛ lɛ, kanemɔ Efesobii 4:17.] Wolo tɛtrɛɛ nɛɛ tsɔɔ gbɛ ni fɔlɔi baanyɛ atsɔ nɔ aye abua amɛbii ni amɛhala hiɛtserɛjiemɔ ni sa lɛ mli.”
Buu-Mɔɔ May 15
“Ani osusuɔ akɛ wɔbaanyɛ wɔhi jeŋ ko mli ni ohia bɛ mli? [Ŋmɛɛ gbɛ ni eha hetoo.] Kadimɔ shiwoo ni Nyɔŋmɔ kɛha lɛ. [Kanemɔ Yesaia 65:21.] Buu-Mɔɔ nɛɛ gbaa wɔ bɔ ni shiwoo nɛɛ baaba mli aha diɛŋtsɛ.” Okɛ lɛ ato gbɛjianɔ koni oku osɛɛ oya eŋɔɔ be kroko kɛha sanebimɔ ni ji, Mɛɛ be mli tsakemɔ ni awo he shi nɛɛ baaba mli? lɛ hesusumɔ.
Awake! May 22
“Mɛi pii enu akɛ kpɔiaŋgbɔlemɔ he miihia kɛha gbɔmɔtsoŋ hewalɛ kpakpa namɔ, ni kɛlɛ mɛi babaoo kpɛlɛɔ nɔ akɛ amɛgbɔleee amɛkpɔiaŋ bɔ ni sa. Ani enɛ jeee anɔkwale? [Ŋmɛɛ gbɛ ni eha hetoo.] Wolo tɛtrɛɛ nɛɛ tsɔɔ sɛɛnamɔi ni yɔɔ kpɔiaŋ ni agbɔleɔ daa lɛ mli fitsofitso, ni etsɔɔ gbɛ̀i komɛi anɔ ni wɔbaanyɛ wɔtsɔ wɔkɛfata wɔshihilɛi ni dekã bɛ mli lɛ ahe.”