Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Sept. 1

“Mɛi babaoo nuɔ he akɛ adesai ajamɔi srɔtoi lɛ fɛɛ ji gbɛ̀i srɔtoi kɛkɛ ni atsɔɔ nɔ akɛtsuɔ oti kome too lɛ nɔŋŋ he nii. Mɛi krokomɛi heɔ amɛyeɔ akɛ anɔkwa hemɔkɛyeli kome pɛ yɔɔ. Ani osusu enɛ he? [Ŋmɛɛ gbɛ ni eha hetoo.] Wolo tɛtrɛɛ nɛɛ pɛiɔ blema abɛbua ko ni haa sanebimɔ nɛɛ hetoo lɛ mli.” Wiemɔ Mateo 13:24-30 lɛ he kuku.

Awake! Sept. 8

“Hesaamɔi srɔtoi náa mɛi babaoo ashihilɛ nɔ hewalɛ waa ŋmɛnɛ. Mɛi komɛi nuɔ he akɛ agbalaa jwɛŋmɔ kɛyaa nibii ni mɛi woɔ kɛ bɔ ni anaa amɛ ahaa lɛ nɔ babaoo tsɔ. Te osusuɔ tɛŋŋ? [Ŋmɛɛ gbɛ ni eha hetoo.] Awake! lɛ kɛ susumɔ ni ŋmɛɔ pɛpɛɛpɛ yɛ hesaamɔ he lɛ haa.” Kanemɔ Kolosebii 3:12.

Buu-Mɔɔ Sept. 15

“Yɛ wɔŋmɛnɛŋmɛnɛ jeŋ nɛɛ mli lɛ, mɛi komɛi nuɔ he akɛ amɛka yɛ gbalashihilɛ ko ni suɔmɔ bɛ mli lɛ mli. Nɛgbɛ mɛi ni tamɔ nakai lɛ baanyɛ aná yelikɛbuamɔ kɛjɛ? [Ŋmɛɛ gbɛ ni eha hetoo.] Biblia lɛ kɛ nɔmimaa haa wɔ akɛ, Nyɔŋmɔ shishitoo mlai baanyɛ aye abua wɔ. [Kanemɔ Yesaia 48:17, 18.] Buu-Mɔɔ nɛɛ wieɔ Biblia mli shishitoo mlai ni baanyɛ awaje gbalashihilɛ lɛ he.”

Awake! Sept. 22

“Wɔnaa kpɛɔ wɔhe yɛ nyɛmɔ ni kooloi yɔɔ ni amɛkɛ amɛhe gbaa sane lɛ he. Shi ani ole akɛ yɛ gbɛ̀i komɛi anɔ lɛ esoro adesai kwraa? [Ŋmɛɛ gbɛ ni eha hetoo. No sɛɛ lɛ kanemɔ Lala 65:3.] Nɔ ni tamɔɔɔ kooloi lɛ, wɔsumɔɔ koni wɔkɛ Nyɔŋmɔ agba sane. Nɛkɛ wolo tɛtrɛɛ nɛɛ wieɔ bɔ ni wɔbaanyɛ wɔná sanegbaa kpakpa mli ŋɔɔmɔ yɛ wɔkɛ gbɔmɛi kɛ Nyɔŋmɔ teŋ.”