Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Sept. 1

“Wɔ fɛɛ wɔsumɔɔ ni wɔná miishɛɛ. Ani osusuɔ akɛ nibii ni atsĩ ta yɛ biɛ lɛ baanyɛ aha mɔ aná miishɛɛ lɛɛlɛŋ? [Kanemɔ Mateo 5:4a, 6a, 10a. No sɛɛ lɛ ŋmɛɛ gbɛ ni eha hetoo.] Wolo tɛtrɛɛ nɛɛ tsɔɔ nakai wiemɔi ni yɔɔ Gɔŋ nɔ Shiɛmɔ ni ehe gbɛi lɛ mli lɛ mli, ni etsɔɔ nɔ kroko ni abaanyɛ afee ni aná miishɛɛ.”

Awake! Sept. 8

“Abuɔ akɔntaa akɛ mɔ 1 yɛ mɛi 4 ateŋ baaná jwɛŋmɔŋ hela yɛ be ko mli yɛ amɛshihilɛ mli. Wɔteŋ mɛi babaoo le mɔ ko ni yɔɔ naagba nɛɛ eko. [Gbelemɔ kɛya heni sane lɛ yɔɔ yɛ wolo lɛ mli.] Sane nɛɛ kɛ nɔ ni wɔbaanyɛ wɔfee kɛ́ mɔ ko ni wɔsumɔɔ lɛ lɛ yaje shihilɛ nɛɛ mli lɛ he gbɛtsɔɔmɔ ni yeɔ bua haa.”

Buu-Mɔɔ Sept. 15

“Mɛi akpekpei abɔ kɛ nɛkɛ wiemɔi ni ale waa nɛɛ fataa amɛ diɛŋtsɛ amɛsɔlemɔi ahe. [Kanemɔ Mateo 6:10.] Te osusuɔ akɛ shihilɛ baatamɔ eha tɛŋŋ kɛ́ afee Nyɔŋmɔ suɔmɔnaa nii kɛmɔ shi yɛ shikpɔŋ lɛ nɔ? [Ŋmɛɛ gbɛ ni eha hetoo.] Wolo tɛtrɛɛ nɛɛ pɛiɔ Nuŋtsɔ lɛ Sɔlemɔ lɛ fã fɛɛ fã mli, ni fã ni wɔkane lɛ fata he.”

Awake! Sept. 22

“Naagba ko ni miiya nɔ yɛ oblahii kɛ oblayei ateŋ lɛ miigba mɛi pii anaa—no ji dãanumɔ babaoo. Ani onu ohe? [Ŋmɛɛ gbɛ ni eha hetoo. No sɛɛ lɛ kanemɔ Abɛi 20:1.] Dãanumɔ babaoo haa oblahii kɛ oblayei kɛ amɛhe woɔ osharai babaoo mli. Saji ni baanyɛ aye abua amɛ ni amɛte shi amɛshi nɔnyɛɛ ni haa amɛkɛ dãa tsuɔ nii yɛ gbɛ ni ejaaa nɔ lɛ yɛ wolo tɛtrɛɛ nɛɛ mli.”