Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Sept. 1

“Mɛi ni yɔɔ shihilɛ mli amrɔ nɛɛ ateŋ mɛi babaoo bɛ Nyɔŋmɔjamɔ he miishɛɛ. Ani osusuɔ akɛ kɛ́ mɔ sumɔɔ Nyɔŋmɔjamɔ lɛ, no haa ebatsɔɔ gbɔmɔ kpakpa? [Ŋmɛɛ gbɛ ni eha hetoo.] Bo nɔ ni Biblia lɛ gba efɔ̃ shi akɛ mɛi komɛi baatao yɛ Nyɔŋmɔjamɔ mli yɛ naagbee gbii lɛ amli lɛ toi. [Kanemɔ 2 Timoteo 4:3, 4.] Wolo tɛtrɛɛ nɛɛ gbálaa bɔ ni anɔkwa jamɔ woɔ Nyɔŋmɔ hiɛ nyam ní asaŋ ehe yɔɔ sɛɛnamɔ kɛha wɔ lɛ mli.”

Awake! Sept.

“Mɛi babaoo ayiŋ etɛ̃ɛɛ amɛ kɛji jeŋ nilee fĩɔ hemɔkɛyeli ni anáa yɛ Nyɔŋmɔ mli lɛ sɛɛ. Te osusuɔ tɛŋŋ? [Ŋmɛɛ gbɛ ni eha hetoo. No sɛɛ kanemɔ Hebribii 3:4 lɛ.] Awake! wolo krɛdɛɛ nɛɛ pɛiɔ nibii ni eha jeŋ nilelɔi komɛi ehé eye akɛ Bɔlɔ ko yɛ lɛ amli.”

Buu-Mɔɔ Sept. 15

Tsĩi saji ni ba nyɛsɛɛ nɛɛ ni mɛi fɛɛ ni yɔɔ akutso lɛ mli lɛ miiwie he lɛ ekomɛi atã. [Kanemɔ 2 Timoteo 3:1.] No sɛɛ lɛ, bi mɔ lɛ akɛ: “Ani osusuɔ akɛ nɔ ni Biblia mli ŋmalɛ nɛɛ wieɔ yɛ bei ni wɔyɔɔ mli nɛɛ ahe lɛ ji nyɔŋma shiishi? [Ŋmɛɛ gbɛ ni eha hetoo.] Wolo tɛtrɛɛ nɛɛ pɛiɔ nibii ni haa wɔnaa akɛ wɔyɛ naagbee gbii lɛ amli lɛ mli, ni asaŋ etsɔɔ wɔ nɔ ni esa akɛ wɔfee.”

Awake! Sept.

“Mɛi pii heɔ yeɔ akɛ abɔ wɔ. Mɛi krokomɛi hu susuɔ akɛ sutsakemɔ nɔ tsɔ wɔba shihilɛ mli. Te bo hu osusuɔ tɛŋŋ? [Ŋmɛɛ gbɛ ni eha hetoo.] Naa sane ko ni baaye abua wɔ koni wɔle anɔkwale diɛŋtsɛ ni yɔɔ sane nɛɛ mli. [Kanemɔ Hiob 12:7, 8.] Awake! wolo krɛdɛɛ nɛɛ wieɔ nibii ni wɔbaanyɛ wɔkase kɛjɛ nilee kɛ gbɛjianɔtoo ni wɔnaa yɛ adebɔɔ nibii amli lɛ he.”