Nibii ni Baaye Abua Wɔ Koni Wɔtsi Wɔhe Kɛjɛ Lá He

Ehe ehiaaa ni shiɛlɔi ni abaptisi amɛ ni amɛŋmala Advance Medical Directive/Release wolo lɛ loo Identity Card lɛ nɔ nii momo, ní aŋmako be ni akala wolo lɛ yɛ nɔ loo aŋma 3/99 akɛ be ni akɛkala yɛ nɔ lɛ aŋmala ekroko nɔ nii afi nɛɛ. Esa akɛ asafoŋ woloŋmalɔ lɛ aná woji bibii nɛɛ babaoo bɔ ni sa kɛha shiɛlɔi heei ni abaptisi amɛ, amɛbii, kɛ mɛi ni esa akɛ amɛná ehee lɛ yɛ Sɔɔmɔ Kpee ni abaafee yɛ December 29 otsi lɛ shishi. Akɛ nibii nɛɛ emajeŋ asafoi. Kɛji akɛ asafo lɛ bɛ woji bibii lɛ afalɛ bɔ ni sa lɛ, no lɛ woloŋmalɔ lɛ baanyɛ akwɛ kɛji akɛ asafoi ni bɛŋkɛ lɛ yɛ eko, loo eshɛ woji lɛ babaoo efata he yɛ woji ashɛɛ ni baanyiɛ sɛɛ lɛ mli.

Esa akɛ aŋmala woji bibii lɛ anɔ nii jogbaŋŋ yɛ shĩa, shi ESAAA ákɛ akɛ waonaa gbɛi woɔ shishi. Esa akɛ atsu waonaa gbɛi ni akɛbaawo woji lɛ ashishi, ehe odaseyeli, kɛ gbi nɔ ni atsu he nii lɛ he nii yɛ Asafo Woloŋ Nikasemɔ ni baanyiɛ sɛɛ lɛ shishi, yɛ woloŋ nikasemɔ nɔkwɛlɔ lɛ yelikɛbuamɔ naa kɛji ehe baahia. Esa akɛ mɛi ni baaye odase lɛ akwɛ ni amɛna akɛ wolo lɛ nɔtsɛ lɛ kɛ ewaonaa gbɛi miiwo wolo lɛ shishi lɛɛlɛŋ.

Ehe ehiaaa ni shiɛlɔi aŋmala helatsamɔ he durable power of attorney (DPA) wolo lɛ ekroko nɔ nii, ja (1) nɔ ni amɛhiɛ amrɔ nɛɛ ji nɔ ni aŋmala nɔ nii dani 1/2001 lɛ shɛ, (2) ejieee amɛsuɔmɔnaa nii amrɔ nɛɛ lɛ kpo, loo (3) amɛfã kɛtee maŋ kroko mli. Esa akɛ woloŋmalɔ lɛ hu ahiɛ DPA wolo lɛ kɛ Advance Directive Guide lɛ babaoo bɔ ni sa.

Shiɛlɔi ni abaptisiko amɛ lɛ baanyɛ akwɛ Advance Medical Directive/Release wolo lɛ, Identity Card, kɛ DPA wolo lɛ mli wiemɔi lɛ anɔ koni amɛkɛŋmala gbɛtsɔɔmɔ he wolo amɛha amɛ diɛŋtsɛ amɛhe kɛ amɛbii lɛ.