Gbɛjianɔtoo Hee ni Baaye Abua Wɔ Koni Wɔhi Lá
Nɔyeli Kuu lɛ ekpɛlɛ nɔ akɛ ebaafee saji otii ni he hiaa waa ni yɔɔ durable power of attorney (DPA) wolo lɛ kɛ Advance Medical Directive/Release wolo lɛ nɔ lɛ ekome kɛwo mla wolo kome nɔ, ni kwasafo gbɛi ni wɔkɛbaatsɛ no ji DPA wolo. Ato DPA wolo lɛ eko he gbɛjianɔ aha wɔmaŋ lɛ.
Ehe baahia ni oŋma DPA wolo kome pɛ nɔ nii. DPA wolo lɛ be hooo yɛ Ghana he fɛɛ he, ni ebaatsu nii akɛ wolo ni baatsɔɔ nibii ni osumɔɔ kɛ́ ofã gbɛ kɛtee maŋsɛɛ. Obaanyɛ osaa oŋmala DPA wolo hee nɔ nii wɔsɛɛ kɛ́ (1) ehe miihia ni ofee tsakemɔi yɛ o-DPA wolo lɛ nɔ, tamɔ nibii ni osumɔɔ lɛ ni oootsake, gbɔmɔtsoŋ hewalɛnamɔ he najiaŋdamɔlɔ, adrɛs srɔtoi, kɛ tɛlifon nɔmbai, loo (2) o-DPA wolo lɛ elaaje loo efite.
Esa akɛ osɔle kɛbi gbɛtsɔɔmɔ yɛ DPA wolo lɛ he, ni oŋmala nɔ nii jogbaŋŋ yɛ shĩa. Shi kɛlɛ, ehe miihia ni okɛ wolo lɛ he gbɛtsɔɔmɔi atsu nii jogbaŋŋ dani okɛ owaonaa gbɛi awo shishi. Ákɛ nɔkwɛmɔnɔ lɛ, kɛ́ aŋma yɛ owolo lɛ nɔ akɛ okɛ owaonaa gbɛi awo shishi yɛ odasefoi enyɔ ahiɛ lɛ, esa akɛ amɛhi jɛmɛ be ni okɛ owaonaa gbɛi woɔ shishi lɛ. Woloŋ nikasemɔ nɔkwɛlɔi baanyɛ ana mɛi ni ŋmalako wolo hee lɛ nɔ nii lɛ yɛ be kɛ beaŋ, ni amɛkwɛ akɛ yelikɛbuamɔ he miihia amɛ lo.
Dani obaadɔrɔ DPA wolo lɛ mli lɛ, feemɔ ehe fotokɔpei kpakpai oha ogbɔmɔtsoŋ hewalɛnamɔ najiaŋdamɔlɔ lɛ, esɛɛyelɔ lɛ, odatrɛfonyo lɛ, kɛ agbɛnɛ nɔ ni okɛbaato onibii amli. Obaanyɛ okɛ eko hu aha owekumɛi kɛ asafoŋ woloŋmalɔ lɛ. Esa akɛ afee DPA wolo lɛ he fotokɔpei lɛ awo wolo dalɛ ni akpɛlɛɔ nɔ lɛ hiɛgbɛ pɛ, ni afee awo wolo lɛ teŋ. Esa akɛ DPA wolo lɛ diɛŋtsɛ ahi ohe, shi jeee fotokɔpe.
Akɛ Identity Card ni afee aha Odasefoi abii ni abaptisiko amɛ, ní aŋma 3/99 yɛ nɔ akɛ date ni akɛkala lɛ baaya nɔ atsu nii lolo. Esa akɛ fɔlɔi akwɛ akɛ aŋmala gbekɛ fɛɛ gbekɛ wolo lɛ nɔ nii jogbaŋŋ, ní akɛ waonaa gbɛi ewo shishi, ni ákɛ gbekɛ lɛ hiɛɔ yɛ be ni sa mli.
Shiɛlɔi ni abaptisiko amɛ lɛ baanyɛ akwɛ DPA wolo lɛ kɛ Identity Card lɛ mli wiemɔi lɛ anɔ koni amɛkɛŋmala helatsamɔ he gbɛtsɔɔmɔ he wolo amɛha amɛ diɛŋtsɛ amɛhe kɛ amɛbii. Esa akɛ woloŋmalɔ lɛ aha shiɛlɔi fɛɛ ni abaptisi amɛ kpaako yɛ afi lɛ mli lɛ DPA wolo lɛ eko.