Gbi Kome Kpee Krɛdɛɛ Mlitĩi

Akɛ sane nɛɛ baatsu nii ní akɛsusu gbi kome kpee krɛdɛɛ he gbɛjianɔtoo kɛha afi 2005 sɔɔmɔ afi lɛ he kɛtsɔ kpee lɛ hiɛ, ni akɛbaatĩ mli kɛ́ agbe kpee lɛ naa. Sane ni ji “Gbɛjianɔtoo Hee Kɛha Kpokpaa kɛ Gbi Kome Kpee Nifeemɔi Amlitĩi,” ni jeɔ kpo yɛ nɔ ni aŋma ahɔ August 2004 nɔ̃ lɛ baafa 4 lɛ tsɔɔ bɔ ni abaatsu enɛ he nii aha. Too be lɛ he gbɛjianɔ koni anyɛ abi sanebimɔi lɛ fɛɛ beni atĩɔ sane lɛ mli lɛ. Esa akɛ sane mlitĩi lɛ atsɔɔ bɔ ni wɔbaafee wɔkɛ saji ní akɛha lɛ atsu nii lɛ mli.

LEEBI NIFEEMƆ

1. Mɛni hewɔ ehe hiaa waa akɛ wɔɔbo Yehowa toi be fɛɛ be lɛ? Ákɛ aaabo toi lɛ tsɔɔ mɛni? (“Nɔ Hewɔ ni Esa akɛ Obo Yehowa Gbee Toi”)

2. Mɛɛ gbɛ nɔ wekui baanyɛ aya nɔ amɛkɛ mumɔŋ nibii ahe gbɛjianɔtoo kpakpa atsu nii? (“Wekui ni Boɔ Nyɔŋmɔ Wiemɔ Toi ni Nɔ ko Gbalaaa Amɛjwɛŋmɔ”)

3. Mɛi ni yɔɔ kpokpaa lɛ nɔ lɛ kɛ hegbɛi ni amɛnáa lɛ tsuɔ nii kɛyeɔ trukaa odase yɛ mɛɛ gbɛ nɔ? (“Wɔfee Nibii Fɛɛ ni Wɔkɛwo Nyɔŋmɔ Hiɛ Nyam”)

4. Mɛɛ nibii wɔbaanyɛ wɔkase kɛjɛ kɔkɔbɔɔ he nɔkwɛmɔnɔ ni yɔɔ Hebribii yitso 3 kɛ 4 lɛ mli? Yehowa kɛ wɔ wieɔ ŋmɛnɛ yɛ mɛɛ gbɛ nɔ? (“Kɛ́ Nyɔŋmɔ Wie ni Wɔbo Toi lɛ, Ebuɔ Wɔhe”)

5. Oná baptisimɔ wiemɔ lɛ he sɛɛ yɛ mɛɛ gbɛ nɔ? (“Henɔjɔɔmɔ kɛ Baptisimɔ”)

SHWANE NIFEEMƆ

6. Mɛni wɔbaanyɛ wɔkase kɛjɛ Yesu he beni eji oblanyo fioo lɛ, ni oblahii kɛ oblayei ni yɔɔ kpokpaa lɛ nɔ lɛ miikase enɔkwɛmɔnɔ lɛ yɛ mɛɛ gbɛ nɔ? (“Bɔ ni Nyɔŋmɔ Wiemɔ lɛ Toiboo Jogbaŋŋ Wajeɔ Wɔ Oblahii kɛ Oblayei Bibii Lɛ”)

7. Mɛni ji gbɛ̀i komɛi ni fɔlɔi baanyɛ atsɔ nɔ atsɔse abifabii kɛ gbekɛbii yɛ Yehowa gbɛ̀i lɛ anɔ? (“Gbekɛbii ni Boɔ Nyɔŋmɔ Toi ni Kaseɔ Nii”)

8. Mɛɛ hei pɔtɛɛ komɛi ehe hiaa ni wɔbo Yehowa, e-Bi lɛ, kɛ “tsulɔ anɔkwafo kɛ nilelɔ” lɛ toi yɛ? (Mat. 24:45) Mɛni hewɔ ehe hiaa akɛ wɔfee nakai lɛ? (“Bó Nyɔŋmɔ Nitsɔɔmɔ Toi Be Fɛɛ Be”)