Gbi Kome Kpee Krɛdɛɛ Mlitĩi

Abaasusu sane nɛɛ he yɛ Sɔɔmɔ Kpee ni abaafee beni eshwɛ fioo ni nyɛsafo lɛ baaya gbi kome kpee krɛdɛɛ kɛha afi 2006 sɔɔmɔ afi lɛ kɛ agbɛnɛ hu kɛ́ nyɛtee kpee lɛ nyɛba nɔŋŋ lɛ amli. Onukpai asɛinɔtalɔ lɛ baato sɔɔmɔ kpee lɛ fã ni baatsɔ̃ gbi kome kpee lɛ hiɛ kɛ nɔ ni baanyiɛ sɛɛ lɛ fɛɛ he gbɛjianɔ taakɛ atsɔɔ yɛ August afi 2004 Wɔ Maŋtsɛyeli Sɔɔmɔ lɛ baafa 4 lɛ. Kɛ́ aafee mlitĩi lɛ, esa akɛ abi saji lɛ fɛɛ, ní agbala jwɛŋmɔ kɛya gbɛ̀i anɔ ni wɔbaanyɛ wɔtsɔ wɔkɛ sane ni asusuɔ he lɛ atsu nii lɛ nɔ.

LEEBI NIFEEMƆ

1. Kɛ́ akɛɛ mɔ aha ehiŋmɛi nɔ atse lɛ, te atsɔɔ tɛŋŋ, ni mɛni hewɔ ewa akɛ aaafee nakai ŋmɛnɛ lɛ? (“Mɛni Hewɔ Esa akɛ Oha Ohiŋmɛi nɔ Atse?”)

2. Kɛ́ wɔha wɔhiŋmɛii anɔ tse lɛ, wɔnáa he sɛɛ yɛ mɛɛ gbɛ nɔ? (“Ha Ohiŋmɛi nɔ Atse ní Oná Jɔɔmɔi”)

3. Mɛɛ oshara yɔɔ nifeemɔi ni abuɔ akɛ tɔmɔ ko bɛ he lɛ ateŋ babaoo ahe? (“Hiŋmɛi ni Aaaha Enɔ Atse yɛ Jeŋ Fɔŋ Mli”)

SHWANE NIFEEMƆ

4. Mɛɛ gbɛ nɔ fɔlɔi kɛ mɛi krokomɛi baanyɛ atsɔ awo oblahii kɛ oblayei hewalɛ ní amɛtiu mumɔŋ otii asɛɛ? (“Fɔlɔi ni Tsɛ̃ɔ Amɛgãii lɛ Jogbaŋŋ” kɛ “Oblahii kɛ Oblayei ni Tiuɔ Mumɔŋ Otii Asɛɛ”)

5. Mɛɛ gbɛ̀i anɔ wɔbaanyɛ wɔtsɔ wɔkɛ Yehowa asafo lɛ anyiɛ pɛpɛɛpɛ (a) ákɛ aŋkroaŋkroi? (b) ákɛ wekui? (d) ákɛ asafo? (“Ha Efee Oti ni Ma Ohiɛ akɛ Okɛ Yehowa Asafo lɛ Baanyiɛ Pɛpɛɛpɛ”)