Kpokpaa Nɔ Kpee Mlitĩi

Abaasusu sane nɛɛ he yɛ Sɔɔmɔ Kpee ni abaafee beni eshwɛ fioo ni nyɛsafo lɛ baaya kpokpaa nɔ kpee kɛha afi 2006 sɔɔmɔ afi lɛ kɛ agbɛnɛ hu kɛ́ nyɛtee kpee lɛ nyɛba nɔŋŋ lɛ amli. Onukpai asɛinɔtalɔ lɛ baato sɔɔmɔ kpee lɛ fã ni baatsɔ̃ kpokpaa nɔ kpee lɛ hiɛ kɛ nɔ ni baanyiɛ sɛɛ lɛ fɛɛ he gbɛjianɔ taakɛ atsɔɔ yɛ August afi 2004 Wɔ Maŋtsɛyeli Sɔɔmɔ lɛ baafa 4 lɛ. Be mli ni afeɔ mlitĩi lɛ, esa akɛ abi saji lɛ fɛɛ, ní agbala jwɛŋmɔ kɛya gbɛ̀i anɔ ni wɔɔtsɔ wɔkɛ sane ni asusuɔ he lɛ atsu nii lɛ nɔ.

KLƐŊKLƐŊ GBI

1. Te wɔɔfee tɛŋŋ wɔwo gbɔmɔ hee lɛ, ni mɛni hewɔ esa akɛ wɔya nɔ wɔhi shi akɛ gbɔmɛi heei lɛ?

2. Mɛni mɛi komɛi efee ní no eha amɛná be babaoo kɛmiitsu shiɛmɔ nitsumɔ lɛ?

3. Mɛni hewɔ esaaa akɛ wɔkɛ wɔhe toɔ mɛi krokomɛi ahe lɛ?

4. Weku mlibii baanyɛ ajie gbɔmɔ hee lɛ sui lɛ akpo amɛtsɔɔ amɛhe yɛ mɛɛ gbɛ nɔ?

5. Mɛɛ gbɛ nɔ wɔbaanyɛ wɔtsɔ wɔkɛ anɔkwayeli afĩ asafo lɛ sɛɛ?

6. Mɛni hewɔ esa akɛ wɔjie gbɔmɔ hee lɛ sui akpo yɛ shiɛmɔ nitsumɔ lɛ mli lɛ?

7. Ákɛ aaajwɛŋ nii anɔ jogbaŋŋ lɛ biɔ ni wɔfee mɛni, ni mɛɛ gbɛ nɔ nii anɔjwɛŋmɔ ni tamɔ nɛkɛ he baa sɛɛnamɔ kɛhaa wɔ?

8. Mɛɛ sui nɛkɛ baaha efee mlɛo kɛha Yehowa akɛ eeeshɔ̃ wɔ koni wɔwo gbɔmɔ hee lɛ?

GBI NI JI ENYƆ

9. Te wɔlilɛi ni wɔkɛaatsu nii jogbaŋŋ lɛ he hiaa ha tɛŋŋ?

10. Mɛɛ sɛɛnamɔi jɛɔ wiemɔ kpakpa ni wɔkɛ mɛi ni wɔkɛtsuɔ nii, wɔnanemɛi skulbii kɛ mɛi krokomɛi aaawie lɛ mli kɛbaa?

11. Mɛɛ gbɛ nɔ wɔɔtsɔ wɔkɛ Paulo ŋaawoo ni jeɔ kpo yɛ Efesobii 4:25-32 lɛ atsu nii yɛ bɔ ni wɔkɛ wɔnanemɛi heyelilɔi yeɔ haa lɛ mli?

12. Mɛni ji gbɛ ni hi fe fɛɛ ní wɔbaanyɛ wɔtsɔ nɔ wɔkɛ wɔlilɛi lɛ atsu nii?

13. Mɛni esa akɛ wɔfee koni wɔnyɛ wɔye mɔ fɔŋ lɛ nɔ kunim?

14. Mɛɛ shihilɛi amli nɛkɛ ebiɔ ni wɔbɔ mɔdɛŋ wɔto wɔhe kɛjɛ je lɛ mli koni ekawo wɔhe muji?

15. Mɛni hewɔ esa akɛ wɔha wɔmligbɛ gbɔmɔ lɛ atsɔ ehee gbi fɛɛ gbi lɛ, ni mɛɛ gbɛ nɔ wɔɔtsɔ wɔfee enɛ?

16. Mɛɛ ŋaawoo ní akɛha yɛ afi nɛɛ kpokpaa nɔ kpee lɛ shishi lɛ ooto gbɛjianɔ ní okɛtsu nii?