Nɔ ni Esa akɛ Owie yɛ Woji Tɛtrɛbii lɛ Ahe

BUU-MƆƆ Sept. 1

“Ŋmɛnɛ, anɔkwayeli ji su ko ni afɔɔ kɛɛmɔ akɛ ehi, shi atsuuu he nii yɛ je lɛ mli. Ani ebafeŋ nɔ ni yɔɔ miishɛɛ kɛji akɛ mɛi babaoo fee amɛnii tamɔ naanyo ni awie ehe yɛ biɛ lɛ? [Kanemɔ Abɛi 17:17. No sɛɛ lɛ, ŋmɛɛ gbɛ ni eha hetoo.] Wolo tɛtrɛɛ nɛɛ tsɔɔ sɛɛnamɔi ni jɛɔ anɔkwa ni wɔyeɔ wɔwekumɛi kɛ wɔnanemɛi lɛ mli kɛbaa lɛ mli.”

Sept. 8

“Ekolɛ ekomefeemɔ ni yɔɔ adebɔɔ nibii ateŋ lɛ haa onaa kpɛɔ ohe. [Tsĩi nɔkwɛmɔnii ni awie he yɛ sane lɛ mli lɛ ekome tã.] Onaaa akɛ eyɛ mɔbɔ waa akɛ ekomefeemɔ diɛŋtsɛ bɛ adesai ateŋ? [Ŋmɛɛ gbɛ ni eha hetoo.] Wolo tɛtrɛɛ nɛɛ tsɔɔ bɔ ni etsɛŋ ni Nyɔŋmɔ kɛ toiŋjɔlɛ kɛ ekomefeemɔ baaba wɔshikpɔŋ nɛɛ nɔ lɛ mli.” Kanemɔ Yesaia 11:9.

BUU-MƆƆ Sept. 15

“Mɛi enu Yesu Kristo he sane yɛ shikpɔŋ lɛ nɔ fɛɛ. Mɛi komɛi kɛɔ akɛ eji gbɔmɔ ko kɛkɛ ni yɔɔ nyɛmɔi ni ekaaa. Mɛi komɛi hu buɔ lɛ akɛ eji Nyɔŋmɔ Ofe, ni amɛjáa lɛ. Namɔ osusuɔ akɛ Yesu Kristo ji? [Ŋmɛɛ gbɛ ni eha hetoo.] Wolo tɛtrɛɛ nɛɛ tsɔɔ mɔ tuuŋtu ni eji, he ni ejɛ kɛba, kɛ he ni eyɔɔ amrɔ nɛɛ lɛ mli.” Kanemɔ Yohane 17:3.

Sept. 22

“Mɛi babaoo bɛ shika ni amɛkɛaatao tsu kpakpa ní amɛhi mli. Ani osusuɔ akɛ gbi ko baaba ni mɔ fɛɛ mɔ baaná tsu kpakpa mli ahi? [Ŋmɛɛ gbɛ ni eha hetoo.] Awake! nɛɛ wieɔ tsu taomɔ he naagba ni yɔɔ amrɔmrɔ nɛɛ he. Etsɔɔ nɔ hewɔ hu ni wɔbaanyɛ wɔná nɔmimaa akɛ Nyɔŋmɔ shiwoo nɛɛ baaba mli anɔkwale lɛ mli.” Kanemɔ Yesaia 65:21, 22.