Sanebimɔ He

◼ Ani esa akɛ wɔkɛ wɔ diɛŋtsɛ wɔ e-mail adrɛs akpɛtɛ woji ni wɔkɛhaa lɛ anɔ?

Shiɛlɔi komɛi ŋmalaa amɛ diɛŋtsɛ amɛ e-mail adrɛs amɛwoɔ wolo nɔ ni amɛkɛkpɛtɛɔ woji tɛtrɛbii loo dɛhiɛmɔ woji ni amɛkɛhaa maŋbii lɛ anɔ. Mɛi ni ŋɔɔ woji lɛ nyɛɔ amɛtsɔɔ adrɛs nɛɛ nɔ ni amɛnine shɛɔ shiɛlɔ lɛ nɔ kɛha saji krokomɛi. Mɛi ni tsɔɔ nɛkɛ gbɛ nɔ koni amɛye amɛbua mɛi ni yɔɔ wiemɔ lɛ he miishɛɛ lɛ hiɛ yiŋtoo kpakpa. Shi kɛlɛ, atsɔɔ asafo lɛ Web site ni ekɛtsuɔ nii lɛ yɛ woji tɛtrɛbii lɛ kɛ dɛhiɛmɔ woji lɛ asɛɛ. No hewɔ lɛ, esaaa akɛ wɔkɛ wɔ diɛŋtsɛ wɔ e-mail adrɛs kpɛtɛɔ woji ni wɔkɛhaa lɛ asɛɛ.

Kɛ́ shiɛlɔ ko aaaha mɛi ni yɔɔ shikpɔŋkuku lɛ mli lɛ ehe saji ni abaanyɛ atsɔ nɔ ni nine ashɛ enɔ yɛ wolo kroko nɔ, titri lɛ be mli ni efeɔ sɛɛkuu-kɛsaramɔ lɛ, eji lɛ diɛŋtsɛ eyiŋkpɛɛ. Esa akɛ wɔ wɔtsɔ hiɛ wɔyasara mɛi ni yɔɔ sane lɛ he miishɛɛ lɛ fe ní wɔɔha amɛ diɛŋtsɛ amɛtao wɔsɛɛ gbɛ kɛha saji krokomɛi. Abaanyɛ ajie mɔ hesusumɔ diɛŋtsɛ kpo atsɔɔ mɔ lɛ, kɛ́ akɛ lɛ miiwie hiɛ kɛ hiɛ lɛ.