Lɛta Henɔ Ko

• Okɛ bo diɛŋtsɛ odrɛs atsu nii. Kɛ́ oonu he akɛ esaaa akɛ okɛ bo diɛŋtsɛ odrɛs tsuɔ nii lɛ, obaanyɛ obi asafoŋ onukpai lɛ gbɛ koni amɛhã okɛ Maŋtsɛyeli Asa lɛ adrɛs lɛ atsu nii. Shi okɛ nitsumɔhe nine lɛ adrɛs lɛ akatsu nii KƆKƆƆKƆ akɛ mɔ lɛ aŋma bo kɛtsɔ nɔ.

• Okɛ mɔ lɛ gbɛ́i atsu nii kɛji ole. Enɛ baahã ena akɛ lɛ tuuntu hewɔ oŋma lɛta lɛ.

• Kwɛmɔ ni ospɛli nɔ fɛɛ nɔ jogbaŋŋ, ni okɛ wiemɔ lɛ he mlai lɛ hu atsu nii. Esa akɛ lɛta lɛ he atse. Kɛ́ onine okɛŋma lɛ, esa akɛ niŋmai lɛ aje kpo faŋŋ ni anyɛ akane. Esaaa akɛ wiemɔi ni okɛbaatsu nii lɛ feɔ tamɔ nɔ ni ooshwɛ, ni esaaa akɛ efeɔ tamɔ nɔ ni ooŋma oohã nitsumɔ he ko loo skul ko hu.

Otii nɛɛ eje kpo yɛ lɛta henɔ nɛɛ mli. Ehe ehiaaa ni okɛ wiemɔi ni yɔɔ lɛta nɛɛ mli lɛ nɔŋŋ atsu nii be fɛɛ be ni obaaŋma mɔ ko ni yɔɔ oshikpɔŋkuku lɛ mli lɛ lɛta lɛ. Hã yiŋtoo hewɔ ni oŋmaa lɛta lɛ, kɛ shihilɛi ni yɔɔ he ni oyɔɔ lɛ ahi ojwɛŋmɔŋ be ni oŋmaa lɛ.