Kɛ́ Ootao Wolo ko yɛ Maŋsɛɛ Wiemɔ ko Mli Oya

Bei pii lɛ, wɔkɛ mɛi ni miisumɔ ni amɛkane wɔwoji lɛ yɛ maŋsɛɛ wiemɔ ko ni wɔbɛ eko yɛ wɔsafo lɛ mli lɛ mli lɛ kpeɔ. Ani ole akɛ kɛ́ oyɛ Intanɛt kɛ printa lɛ, bo diɛŋtsɛ obaanyɛ oprinti wɔwoji lɛ yɛ wiemɔi 400 mli? Naa gbɛ nɔ ni obaanyɛ otsɔ ofee enɛ:

• Yaa www.watchtower.org ni ji wɔ-Wɛb saiti lɛ.

• Kɛji ogbele jɛmɛ lɛ, kwɛmɔ oninejurɔ gbɛ, obaana akɛ ato wiemɔi fioo komɛi anaa yɛ jɛmɛ. Klikimɔ je lɛ he mfoniri ni ji globu lɛ nɔ, ni ekɛ bo baaya he ko ni ato wiemɔi lɛ fɛɛ naa yɛ jɛmɛ.

• Klikimɔ wiemɔ ni otao lɛ nɔ. Ebaagbele he ko ni obaana woji tamɔ dɛhiɛmɔ woji, woji bibii, kɛ saji krokomɛi ni obaanyɛ oprinti. Akɛni aŋmala nibii ni yɔɔ he ni ogbele lɛ yɛ wiemɔ ni ohala lɛ pɛ mli hewɔ lɛ, kɛ́ onyɛɛɛ okane saneyitsei lɛ po lɛ, kaaha egba onaa.

• Klikimɔ saji lɛ ateŋ eko fɛɛ eko nɔ. Sane ni okliki nɔ lɛ baagbele, ni agbɛnɛ obaanyɛ okliki printa okadi ni yɔɔ kɔmpiuta lɛ nɔ lɛ nɔ kɛprinti.

Wɔwoji lɛ ateŋ fioo ko pɛ yɔɔ wɔ-Wɛb saiti lɛ nɔ; obaanyɛ oná woji krokomɛi kɛtsɔ asafo lɛ nɔ. Kɛ́ ona mɔ ko ni yɔɔ wiemɔ lɛ he miishɛɛ lɛ, ehi jogbaŋŋ akɛ obaaha mɔ ni kwɛɔ woji anɔ yɛ osafo lɛ mli lɛ ashɛ woji lɛ eko eha bo.