Gbɛ Kome ni Wɔbaanyɛ Wɔtsɔ nɔ Wɔkɛ Bible’s Message Wolo Bibioo lɛ Atsu Nii

Mɛi babaoo ni yɔɔ wɔshikpɔŋkuku lɛ mli, titri lɛ, mɛi ni bɛ Kristofoi ajamɔ mli lɛ, leee Biblia lɛ mli saji. Beni shiɛlɔi komɛi kɛ mɛi ni tamɔ nɛkɛ kaseɔ Biblia lɛ Tsɔɔ wolo lɛ, amɛkɛ Bible’s Message wolo bibioo lɛ tsuɔ nii kɛyeɔ amɛbuaa mɔ ni akɛkaseɔ nii lɛ koni ele Biblia lɛ he nɔ ko. Akɛ nɔkwɛmɔnɔ lɛ, nyɛmi nuu ko kɛ wolo bibioo nɛɛ klɛŋklɛŋ fã lɛ tsuɔ nii kɛ́ ekɛ mɔ ko miikase Biblia lɛ Tsɔɔ wolo lɛ yitso 3 lɛ. No sɛɛ lɛ, be fɛɛ be ni ekɛ mɔ lɛ baakase nii lɛ, ekɛ lɛ susuɔ wolo bibioo lɛ fã kroko he kɛfataa he. Ani okɛ mɔ ko ni le Biblia lɛ mli saji fioo loo eleee he nɔ ko kwraa lɛ miikase nii? Bɔni afee ni oye obua lɛ ni ele ‘ŋmalɛi krɔŋkrɔŋi lɛ, ni aaanyɛ aha ele nii kɛha yiwalaheremɔ lɛ,’ kwɛmɔ akɛ obaanyɛ okɛ lɛ asusu Bible’s Message wolo bibioo lɛ he kɛfata Biblia lɛ Tsɔɔ wolo lɛ he lo.—2 Tim. 3:15.