Shiɛmɔ Wiemɔi

Kɛha Biblia mli nikasemɔi ashishijee yɛ klɛŋklɛŋ Hɔɔ ni yɔɔ March mli lɛ nɔ

“Mɛi babaoo yeɔ Yesu fɔmɔ lɛ he gbi jurɔ, shi ani osusuɔ akɛ ehe miihia ni akai Yesu gbele lɛ?” Ŋmɛɛ gbɛ ni eha hetoo. Okɛ March 1 Blɔfo Buu-Mɔɔ aha shiatsɛ lɛ, ni okɛ lɛ asusu baafa 16 lɛ mli sane ni yɔɔ klɛŋklɛŋ saneyitso fioo lɛ shishi lɛ he, ni okane ŋmalɛi ni yɔɔ jɛmɛ lɛ ateŋ ekome loo nɔ̃. Okɛ lɛ ato gbɛjianɔ koni oku osɛɛ okɛ lɛ ayasusu sanebimɔ ni nyiɛ sɛɛ lɛ he.

The Watchtower March 1

“Sɔlemɔi ebu, ni eko fɛɛ eko kɛ ehemɔkɛyelii kɛ enifeemɔi. Ani osusuɔ akɛ mɔ fɛɛ mɔ ni tsɛɔ ehe Kristofonyo lɛ ji Kristofonyo diɛŋtsɛ? [Ŋmɛɛ gbɛ ni eha hetoo.] Yesu tsɔɔ akɛ, enɛ ji nɔ̃ kome ni akɛyɔseɔ anɔkwa Kristofoi. [Kanemɔ Yohane 13:34, 35.] Wolo tɛtrɛɛ nɛɛ wieɔ nibii enumɔ ni Yesu tsɔɔ akɛ nomɛi baaha wɔyɔse mɛi ni ji enɔkwa sɛɛnyiɛlɔi lɛ ahe.”

Awake! March

“Wɔkɛ wɔkutsoŋbii lɛ miisusu nɔ ko ni ehiii ni miiya nɔ waa gbii etɛ nɛɛ he. Etamɔ nɔ ni ŋmɛnɛ lɛ, mɛi amli fuɔ oya waa, ni enɛ miiya nɔ emli miiwo wu. Kɛ́ okwɛ lɛ, mɛni haa ebaa lɛ nakai? [Ŋmɛɛ gbɛ ni eha hetoo.] Kadimɔ nɔ ni Biblia lɛ kɛɔ yɛ mlifu he lɛ. [Kanemɔ Lala 37:8.] Wolo tɛtrɛɛ nɛɛ tsɔɔ yiŋtoi komɛi ahewɔ ni mɛi amli woɔ la waa ŋmɛnɛ lɛ, ni etsɔɔ gbɛi anɔ ni wɔɔtsɔ wɔye wɔmlifu nɔ hu.”