Shiɛmɔ Wiemɔi

Kɛha Biblia mli nikasemɔi ashishijee yɛ klɛŋklɛŋ Hɔɔ ni yɔɔ December mli lɛ nɔ

“Kɛ́ eshɛ nɛkɛ be yɛ afi lɛ mli lɛ, mɛi babaoo susuɔ Yesu he. Kɛ́ okwɛ lɛ, mɛni ji nibii ni Yesu tsu lɛ amli nɔ ni fe fɛɛ? [Ŋmɛɛ gbɛ ni eha hetoo.] Kadimɔ wolo nɛɛ baafa 16 lɛ saneyitso lɛ.” Okɛ December 1 Watchtower lɛ aha lɛ, ni okɛ lɛ asusu sane ni yɔɔ saneyitsei bibii lɛ ashishi lɛ ateŋ ekome he, kɛ ŋmalɛi ni yɔɔ jɛmɛ lɛ ateŋ ekome loo nɔ he. Okɛ woji tɛtrɛbii lɛ aha lɛ, koni okɛ lɛ ato be ni obaaku osɛɛ okɛ lɛ ayasusu sanebimɔ ni nyiɛ sɛɛ lɛ he.

The Watchtower December 1

“Kɛ́ eshɛ nɛkɛ be lɛ, mɛi babaoo feɔ nibii kɛtsɔɔ akɛ amɛnyaa Blonya he waa. Kɛ́ okwɛ lɛ, te otii nɛɛ ateŋ nɔ ni osusuɔ akɛ ehe hiaa fe fɛɛ yɛ nakai nifeemɔi lɛ amli? [Okɛ otii ni atsĩtsĩi tã yɛ baafa 3 lɛ atsɔɔ lɛ koni oŋmɛ gbɛ ni etsɔɔ ejwɛŋmɔ. No sɛɛ lɛ, gbelemɔ kɛya baafa ni wieɔ sane oti lɛ he lɛ koni okɛ lɛ akane ŋmalɛ ni tere sane lɛ.] Wolo nɛɛ tsɔɔ gbɛi anɔ ni wɔbaanyɛ wɔtsɔ wɔkai Yesu yɛ afi lɛ mli fɛɛ, ni jeee ja Blonya beaŋ pɛ.”

Awake! December

“Wɔmiisara nyɛ ejaakɛ mɛi babaoo ehao waa ni amɛyɛ nɔnyɛɛ shishi. Kɛ́ okwɛ lɛ, ani onaa akɛ mɛi amli fuɔ oyayaayai yɛ bei nɛɛ amli? [Ŋmɛɛ gbɛ ni eha hetoo.] Mɛi komɛi susuɔ akɛ jaramɔ bei ni agba afɔ shi ni yɔɔ 2 Timoteo 3:1 lɛ amli wɔyɔɔ nɛɛ. [Kanemɔ] Wolo nɛɛ tsɔɔ nɔ hewɔ ni mlifu yeɔ awui waa, kɛ bɔni abaafee ato tsui shi be kɛ be fɛɛ.”