Shiɛmɔ Wiemɔi

Kɛha Biblia mli nikasemɔi ashishijee yɛ klɛŋklɛŋ Hɔɔ ni yɔɔ April mli lɛ nɔ

“Baptisimɔ ji nɔ ko ni Kristofoi babaoo feɔ. Te osusuɔ tɛŋŋ, ani baptisimɔ he miihia? [Ŋmɛɛ gbɛ ni eha hetoo.] Sane nɛɛ wieɔ nibii komɛi ni sa kadimɔ waa lɛ ahe.” Okɛ April–June Buu-Mɔɔ aha shiatsɛ lɛ, ni okɛ lɛ asusu baafa 16 lɛ mli sane ni yɔɔ klɛŋklɛŋ saneyitso fioo lɛ shishi lɛ he, ni okane ŋmalɛi ni yɔɔ jɛmɛ lɛ ateŋ ekome loo nɔ̃. Okɛ woji tɛtrɛbii lɛ aha lɛ, ni okɛ lɛ ato gbɛjianɔ koni oku osɛɛ okɛ lɛ ayasusu sanebimɔ ni nyiɛ sɛɛ lɛ he.

The Watchtower April 1

“Mɛi hiɛ susumɔi srɔtoisrɔtoi yɛ Yesu he. Mɛi komɛi susuɔ akɛ lɛ ji shiwoo Mesia lɛ. Mɛi komɛi hu susuɔ akɛ eji gbɔmɔ kpakpa ko kɛkɛ. Mɛi krokomɛi hu susuɔ akɛ ehiko shi pɛŋ. Te osusuɔ tɛŋŋ? [Ŋmɛɛ gbɛ ni eha hetoo.] Biblia lɛ tsɔɔ akɛ ehe miihia ni wɔle anɔkwale ni kɔɔ Yesu he lɛ. [Kanemɔ Yohane 17:3.] Wolo tɛtrɛɛ nɛɛ tsɔɔ Biblia mli hetoi kɛha saji ni mɛi fɔɔ bimɔ yɛ Yesu he lɛ.”

Awake! April

“Wɔmiitsu nitsumɔ ko ni baaye abua wekui, ni no hewɔ wɔba oŋɔɔ nɛɛ. Ani okpɛlɛɔ nɔ akɛ wekui kɛ naagbai babaoo kpeɔ ŋmɛnɛ? [Ŋmɛɛ gbɛ ni eha hetoo.] Kadimɔ he ni wekui babaoo náa ŋaawoo kpakpa kɛjɛɔ. [Kanemɔ Lala 119:105.] Wolo tɛtrɛɛ nɛɛ tsɔɔ bɔ ni banuma wekui komɛi enyɛ amɛtsu amɛnaagbai krɛdɛi ahe nii jogbaŋŋ kɛtsɔ Biblia mli shishitoo mlai ni amɛkɛtsuɔ nii lɛ nɔ.”