Shiɛmɔ Wiemɔi

Kɛha Biblia mli nikasemɔi ashishijee yɛ klɛŋklɛŋ Hɔɔ ni yɔɔ April mli lɛ nɔ

“Wɔmiiwo mɛi ni wɔkɛyɔɔ akutso lɛ mli lɛ hewalɛ koni amɛkane amɛ Biblia lɛ. Shi mɛi babaoo nuɔ he akɛ ewa akɛ abaanu Biblia lɛ shishi. Ani bo hu nakai onaa lɛ? [Ŋmɛɛ gbɛ ni eha hetoo.] Kadimɔ nɔ ni aŋma yɛ biɛ lɛ.” Okɛ sane ni yɔɔ April 1 Buu-Mɔɔ lɛ sɛɛ lɛ atsɔɔ lɛ, ni okɛ lɛ asusu klɛŋklɛŋ kuku lɛ mli sane lɛ, kɛ kɛ́ hooo kwraa lɛ ŋmalɛi ni yɔɔ jɛmɛ lɛ ateŋ ekome he. Okɛ woji tɛtrɛbii lɛ aha lɛ koni okɛ lɛ ato gbɛjianɔ ni oku osɛɛ okɛ lɛ ayasusu sanebimɔ ni nyiɛ sɛɛ lɛ he.

Buu-Mɔɔ April 1

“Mɔ fɛɛ mɔ ni wɔkɛgbaa sane lɛ yɛ naagbai komɛi. Enɛ haa mɛi komɛi susuɔ nɔ hewɔ ni wɔyɔɔ shihilɛ mli lɛ he. Mɛni obaakɛɛ no ji nɔ̃ titri ko ni haaa mɛi aná miishɛɛ ŋmɛnɛ? [Ŋmɛɛ gbɛ ni eha hetoo.] Biblia lɛ woɔ shi akɛ etsɛŋ ni Nyɔŋmɔ baajie naagbai ni wɔkɛkpeɔ amrɔ nɛɛ kɛya. [Kanemɔ Kpojiemɔ 21:4.] Wolo nɛɛ wieɔ bɔ ni wɔ wɔsɛɛ be baaji lɛ he, kɛ bɔ ni wɔɔfee wɔná shihilɛ ni haa mɔ tsui nyɔɔ emli amrɔ nɛɛ po lɛ hu he.”

Awake! April

“Yiwalɛ nibii ni yaa nɔ yɛ shĩa lɛ mli lɛ ji jeŋ muu fɛɛ naagba. Mɛi komɛi kɛɛ nibii ni kɛ enɛ baa ji kusum ni mɔ ko jɛ mli, weku mli ni ejɛ, kɛ hiɛtserɛjiemɔ ni yiwalɛ nifeemɔ yɔɔ mli. Mɛni osusuɔ akɛ no ji yiŋtoo titri hewɔ ni yiwalɛ nibii yaa nɔ yɛ shĩa lɛ mli lɛ? [Ŋmɛɛ gbɛ ni eha hetoo.] Biblia lɛ tsɔɔ wekukpãa kpakpa ni esa akɛ ehi wu kɛ ŋa teŋ. [Kanemɔ Efesobii 5:33.] Wolo nɛɛ wieɔ bɔ ni Biblia mli shishitoo mlai kɛnitsumɔ ebaa gbalashihilɛi komɛi ayi.”