Shiɛmɔ Wiemɔi

Kɛha Biblia mli nikasemɔi ashishijee yɛ klɛŋklɛŋ Hɔɔ ni yɔɔ July mli lɛ nɔ

“Etamɔ nɔ ni mɛi fɛɛ ni yɔɔ wɔkutso lɛ mli lɛ baasumɔ ni amɛná shihilɛ ni yɔɔ miishɛɛ, ní amɛwala sɛɛ atsɛ. No hewɔ lɛ, wɔbaasumɔ ni wɔle osusumɔ yɛ sanebimɔ nɛɛ he: Ani osusuɔ akɛ be ko baaba ni jeŋ shikpamɔ kɛ tsofafeemɔ baanyɛ aha wɔhi shi kɛya naanɔ? [Ŋmɛɛ gbɛ ni eha hetoo.] Kadimɔ nɔ ni wɔbaakane yɛ biɛ lɛ.” Okɛ sane ni yɔɔ July 1 Buu-Mɔɔ lɛ sɛɛ lɛ atsɔɔ lɛ, ni okɛ lɛ asusu klɛŋklɛŋ kuku lɛ mli sane lɛ kɛ ŋmalɛi ni atsɛ yisɛɛ yɛ jɛmɛ lɛ ateŋ ekome he. Okɛ woji tɛtrɛbii lɛ aha lɛ koni okɛ lɛ ato gbɛjianɔ ni oku osɛɛ okɛ lɛ ayasusu sanebimɔ ni nyiɛ sɛɛ lɛ he.

Kadimɔ: Esa akɛ afee nɔkwɛmɔnii nɛɛ kɛ́ aafee kpee kɛha shiɛmɔyaa yɛ July 6 lɛ nɔ.

The Watchtower July 1

“Mɛi babaoo ni wɔkɛ gba sane lɛ yɛ amɛ diɛŋtsɛ amɛjamɔ. Shi mɛi krokomɛi hu kɛɔ akɛ amɛbɛ hekɛnɔfɔ̃ɔ yɛ jamɔ ko kwraa mli. Mɛni ji bo hu osusumɔ yɛ jamɔ he? [Ŋmɛɛ gbɛ ni eha hetoo.] Yesu tsɔɔ nɔ ni baaye abua wɔ ni wɔna kɛji jamɔ ko hi loo ehiii. [Kanemɔ Luka 6:44a.] Wolo tɛtrɛɛ nɛɛ wieɔ yibii gbohii komɛi ni jamɔ ewo lɛ ahe. Ehaa sanebimɔ nɛɛ hu hetoo, Ani jamɔ ko yɛ ni abaanyɛ akɛ he afɔ̃ nɔ?”

Awake! July

“Wɔmiisara wɔkutsoŋbii lɛ ní wɔkɛ amɛ agba naagba ko ni sũɔ mɛi atsui waa lɛ he sane—jalɛsane ni ayeee. Mɛi komɛi teɔ shi amɛwoɔ jalɛsane ni ayeee lɛ yɛ faŋŋ mli koni amɛkɛku naa. Ani osusuɔ akɛ mɛi ni teɔ shi amɛwoɔ nibii ni yaa nɔ lɛ baanyɛ amɛkɛ tsakemɔi aba? [Ŋmɛɛ gbɛ ni eha hetoo.] Kadimɔ nɔ ni Biblia lɛ tsɔɔ akɛ no kɛ tsakemɔi diɛŋtsɛ baaba shikpɔŋ nɔ lɛ. [Kanemɔ Mateo 6:9, 10.] Wolo tɛtrɛɛ nɛɛ haa sanebimɔ ni ji, Ani shiteekɛwoo ji tsabaa lɛ? hetoo.”

Sanekpakpa ni Jɛ Nyɔŋmɔ Ŋɔɔ!

“Wɔmiisara wekui ni yɔɔ akutso lɛ mli ni wɔkɛ amɛ agba sane ko ni woɔ mɔ hewalɛ kɛjɛ Biblia lɛ mli. Mɛi ni wɔkɛgba sane lɛ ateŋ mɛi babaoo susuɔ nɔ hewɔ ni Nyɔŋmɔ ni yɔɔ suɔmɔ lɛ eha mɛi babaoo piŋɔ nɛkɛ lɛ he. Ani osusuɔ akɛ Nyɔŋmɔ bɔ adesai ni amɛbapiŋ?” Ŋmɛɛ gbɛ ni eha hetoo. No sɛɛ lɛ gbelemɔ Nikasemɔ ni ji 5 lɛ, ni okɛ lɛ akane ni nyɛsusu klɛŋklɛŋ kukuji enyɔ lɛ kɛ ŋmalɛi ni akpa amɛ afã lɛ ahe. Okɛ wolo bibioo lɛ aha lɛ koni okɛ lɛ ato gbɛjianɔ ni oku osɛɛ okɛ lɛ ayasusu sanebimɔ ni nyiɛ sɛɛ ni adiki mli lɛ he.