Shiɛmɔ Wiemɔi

Kɛha Biblia mli nikasemɔi ashishijee yɛ klɛŋklɛŋ Hɔɔ ni yɔɔ July mli lɛ

“Mɛi pii etĩ Nuŋtsɔ lɛ Sɔlemɔ lɛ mli wiemɔi nɛɛ amli shii abɔ: ‘Omaŋtsɛyeli lɛ aba; afee nɔ ni osumɔɔ yɛ shikpɔŋ lɛ nɔ, taakɛ afeɔ yɛ ŋwɛi lɛ.’ Mɛni ji nakai Maŋtsɛyeli lɛ? [Ŋmɛɛ gbɛ ni eha hetoo.] Biblia mli ŋmalɛ nɛɛ tĩɔ he etsɔɔ wɔ.” Kanemɔ Daniel 2:44 lɛ. No sɛɛ lɛ, okɛ July 1 Blɔfo Buu-Mɔɔ lɛ eko aha shĩatsɛ lɛ, ní okɛ lɛ akane sane ni yɔɔ klɛŋklɛŋ saneyitso fioo ni yɔɔ baafa 16 lɛ, ní nyɛsusu he. Okɛ woji tɛtrɛbii lɛ aha lɛ, ni okɛ lɛ ato be ní oku osɛɛ okɛ lɛ ayasusu sanebimɔ ni nyiɛ sɛɛ lɛ hetoo lɛ he.

The Watchtower July 1

“Akɛni wala sɛɛ etsɛɛɛ, ní emli eyi tɔ kɛ naagbai hewɔ lɛ, mɛi pii leee nɔ hewɔ ni wɔyɔɔ wala mli lɛ. Ani osusu enɛ he pɛŋ? [Ŋmɛɛ gbɛ ni eha hetoo.] Biblia lɛ ewo shi akɛ jeee nɛkɛ sɔŋŋ shihilɛ lɛ baaji. [Kanemɔ Kpojiemɔ 21:4.] Wolo tɛtrɛɛ nɛɛ haa wɔleɔ Nyɔŋmɔ yiŋtoo kɛha shikpɔŋ lɛ, ni etsɔɔ nibii komɛi ni wɔbaanyɛ wɔfee koni wɔná miishɛɛ diɛŋtsɛ yɛ shihilɛ mli amrɔ nɛɛ po.”

Awake! July

Tsɔɔmɔ oshara ko ni eba nyɛsɛɛ nɛɛ. No sɛɛ lɛ kɛɛmɔ akɛ: “Mɛni hewɔ osusuɔ akɛ Nyɔŋmɔ ŋmɛɔ gbɛ koni osharai ni tamɔ nɛkɛ aba? [Ŋmɛɛ gbɛ ni eha hetoo.] Biblia lɛ tsɔɔ akɛ Nyɔŋmɔ nuɔ he ehaa mɛi ni naa nɔ lɛ. [Kanemɔ 2 Mose 3:7.] Biblia lɛ haa wɔleɔ nɔ hewɔ ni Nyɔŋmɔ ŋmɛɔ piŋmɔ gbɛ lɛ, ni etsɔɔ hu akɛ etsɛŋ ni ebaafo sɛɛ kwraa kɛya naanɔ. Wolo tɛtrɛɛ nɛɛ gbálaa saji nɛɛ amli.”