Shiɛmɔ Wiemɔi

Kɛhã Biblia mli nikasemɔi ashishijee yɛ klɛŋklɛŋ Hɔɔ ni yɔɔ July mli lɛ nɔ

“Te osusuɔ akɛ Nyɔŋmɔ buɔ wɔsɔlemɔi ehãa tɛŋŋ? Ani osusuɔ akɛ ekɛ hiɛdɔɔ susuɔ he, aloo ekpɛlɛɔ nɔ kɛkɛ?” Ŋmɛɛ gbɛ ni ehã hetoo. Okɛ sane ni yɔɔ July 1 Buu-Mɔɔ lɛ sɛɛ lɛ atsɔɔ lɛ, ni okɛ lɛ asusu sane ni yɔɔ klɛŋklɛŋ sanebimɔ lɛ shishi lɛ he, ni nyɛkane kɛ́ hooo lɛ ŋmalɛi ni yɔɔ jɛmɛ lɛ ateŋ ekome. Okɛ woji tɛtrɛbii lɛ ahã lɛ, koni okɛ lɛ ato gbɛjianɔ ni okɛ lɛ ayasusu sanebimɔ ni nyiɛ sɛɛ lɛ he.

Buu-Mɔɔ July 1

“Akɛni Nyɔŋmɔ ji ofe hewɔ lɛ, ani osusuɔ akɛ esa akɛ ashwa lɛ yɛ nibii gbohii fɛɛ ni yaa nɔ yɛ je lɛ mli lɛ he? [Ŋmɛɛ gbɛ ni ehã hetoo. No sɛɛ lɛ, kanemɔ Yakobo 1:13.] Wolo tɛtrɛɛ nɛɛ tsɔɔ nɔ hewɔ ni nibii fɔji baa, kɛ nɔ ni Nyɔŋmɔ baafee kɛfo efɔŋ kɛ piŋmɔ sɛɛ.”

Awake! July

“Kɛ́ hooo kwraa lɛ, osharai ninaa mɔ fɛɛ mɔ, kɛ́ eji adebɔɔ naa oshara jio, hela ko ni baanyɛ agbe mɔ jio, aloo suɔlɔ ko gbele jio. Kɛ́ nibii tamɔ nɛkɛ ba lɛ, ani osusuɔ akɛ ehe miihia ni wɔyanɔ wɔhiɛ jwɛŋmɔ ni ja yɛ shihilɛ mli? [Ŋmɛɛ gbɛ ni ehã hetoo.] Mɛi pii ena akɛ Biblia lɛ nyɛɔ eyeɔ ebuaa amɛ ni amɛnyɛɔ amɛkpeɔ osharai anaa. [Kanemɔ Romabii 15:4.] Wolo tɛtrɛɛ nɛɛ tsɔɔ bɔ ni Biblia lɛ baanyɛ aye abua wɔ kɛ́ wɔkɛ osharai kpe.”