Ani Obaanyɛ Ofɔ̃ Mɔ ko Nine?

Yɛ asafoi babaoo amli lɛ, ayɛ shiɛlɔi komɛi ni nyɛɛɛ babaoo amɛtsu, ekolɛ yɛ hela loo gbɔlɛ hewɔ. (2 Kor. 4:16) Ani obaanyɛ ofɔ̃ mɔ ko ni yɔɔ shihilɛ ni tamɔ nɛkɛ mli lɛ nine ni ebafata ohe kɛyafee Biblia mli nikasemɔ? Kɛ́ shiɛlɔ lɛ eka tsuŋ lɛ, ekolɛ obaanyɛ oyafee nikasemɔ lɛ yɛ eshĩa lɛ po. Ani bei komɛi lɛ, obaanyɛ oto gbɛjianɔ ni okɛ shiɛlɔ ko ni bɛ gbɔmɔtsoŋ hewalɛ tsɔ lɛ ayashiɛ yɛ shĩa kɛ shĩa fioo, loo ni nyɛyafee sɛɛkuu-kɛsaramɔ kome loo enyɔoo ko? Shiɛlɔi ni efɔ̃ nɔ yɛ afii amli lɛ ateŋ mɛi babaoo yɛ shiɛmɔ nitsumɔ lɛ mli niiashikpamɔ babaoo. No hewɔ lɛ, eyɛ mli akɛ omɔdɛŋbɔɔ lɛ baawo amɛ hewalɛ moŋ, shi bo hu obaaná he sɛɛ. (Rom. 1:12) Kɛfata he lɛ, Yehowa baajɔɔ bo yɛ mɔdɛŋ ni obɔɔ ni ojie suɔmɔ kpo yɛ gbɛ ni tamɔ nɛkɛ nɔ lɛ nɔ.—Abɛi 19:17; 1 Yoh. 3:17, 18.