Shiɛmɔ Wiemɔi

Kɛhã Biblia mli Nikasemɔi Ashishijee yɛ Klɛŋklɛŋ Hɔɔ ni Yɔɔ October mli lɛ Nɔ

“Wɔkɛ be kukuoo ko miisara wɔkutsoŋbii lɛ koni wɔkɛ amɛ agba sane ko ni kɔɔ nɔyeli kpakpa he. Kɛ́ okwɛ lɛ, ani nɔyeli ko yɛ ni baanyɛ atsu naagbai ni jaraa, tamɔ basabasafeemɔ kɛ jalɛsane ni ayeee he nii?” Ŋmɛɛ gbɛ ni ehã hetoo. Kaimɔ shiatsɛ lɛ akɛ, yɛ Nuŋtsɔ lɛ Sɔlemɔ lɛ mli lɛ, Yesu tsɔɔ esɛɛnyiɛlɔi lɛ ni amɛsɔle amɛbi ni nɔyeli ko ni tamɔ nakai aba. Nakai nɔyeli lɛ ji Nyɔŋmɔ Maŋtsɛyeli lɛ. Okɛ sane ni yɔɔ October 1 Buu-Mɔɔ lɛ sɛɛ lɛ atsɔɔ lɛ, ni okɛ lɛ asusu sane ni yɔɔ klɛŋklɛŋ sanebimɔ lɛ shishi lɛ he, ni nyɛkane kɛ́ hooo lɛ ŋmalɛi ni yɔɔ jɛmɛ lɛ ateŋ ekome. Okɛ woji tɛtrɛbii lɛ ahã lɛ, koni okɛ lɛ ato gbɛjianɔ ni oku osɛɛ okɛ lɛ ayasusu sanebimɔ ni nyiɛ sɛɛ lɛ he.

Buu-Mɔɔ October 1

“Wɔkɛ wɔkutsoŋbii lɛ miisusu wiemɔi komɛi ni jeɔ kpo yɛ sɔlemɔ ko ni ale waa ni Yesu tsɔɔ esɛɛnyiɛlɔi lɛ mli lɛ he kuku. [Kanemɔ Mateo 6:9, 10.] Ani onu ni mɔ ko egbala nɔ ni Nyɔŋmɔ Maŋtsɛyeli lɛ ji kɛ nɔ hewɔ ni Yesu wie he shii abɔ yɛ enitsɔɔmɔi lɛ amli lɛ jogbaŋŋ? [Ŋmɛɛ gbɛ ni ehã hetoo.] Wolo tɛtrɛɛ nɛɛ tsɔɔ wɔ nɔ ni Biblia lɛ kɛɔ yɛ Nyɔŋmɔ Maŋtsɛyeli lɛ he kɛ jɔɔmɔi komɛi ni nɔ bɛ ni ekɛbaaba shikpɔŋ lɛ nɔ.”

Awake! October

“Wɔkɛ be kukuoo ko miisara mɛi koni wɔye wɔbua amɛ ni amɛná sanebimɔ nɛɛ hetoo. [Okɛ sanebimɔ ni yɔɔ wolo tɛtrɛɛ lɛ hiɛ lɛ atsɔɔ lɛ.] Kɛ́ okwɛ lɛ, ani ja mɔ ko ená nii waa dani ebaaye omanye yɛ shihilɛ mli? [Ŋmɛɛ gbɛ ni ehã hetoo.] Biblia lɛ tsɔɔ wɔ jwɛŋmɔ ni ja ni esa akɛ wɔná yɛ heloonaa nibii ahe. [Kanemɔ Luka 12:15.] Biblia lɛ tsɔɔ akɛ, mɔ fɛɛ mɔ baanyɛ aye omanye yɛ shihilɛ mli. Wolo tɛtrɛɛ nɛɛ wieɔ sane nɛɛ he babaoo.”