Shiɛmɔ Wiemɔi

Kɛha Biblia mli nikasemɔi ashishijee yɛ October klɛŋklɛŋ Hɔɔ lɛ nɔ

“Yɛ jaramɔ bei ni wɔyɔɔ mli nɛɛ mli lɛ, wekui fɛɛ kɛ shihilɛi ni mli wawai kpeɔ. Kɛ́ okwɛ lɛ, nɛgbɛ wɔbaanyɛ wɔná gbɛtsɔɔmɔ kpakpa ni baaye abua wɔ ni eha miishɛɛ ahi wɔweku lɛ mli?” Ŋmɛɛ lɛ gbɛ ni eha hetoo. No sɛɛ lɛ, okɛ October 1 Blɔfo Buu-Mɔɔ lɛ aha shĩatsɛ lɛ, ni okɛ lɛ asusu sanebimɔi ni yɔɔ baafa 16 kɛ 17 lɛ ateŋ ekome he, ní kɛ́ hooo kwraa lɛ, okane ŋmalɛi ni atsɛ yisɛɛ lɛ ateŋ ekome. Okɛ woji tɛtrɛbii lɛ aha lɛ, ni oto be ni oku osɛɛ okɛ lɛ ayasusu sanebimɔi krokomɛi ni eshwɛ lɛ ateŋ ekome he.

The Watchtower October 1

Okɛ wolo tɛtrɛɛ lɛ atsɔɔ mɔ lɛ, ni obi lɛ akɛ, “Te obaanu he oha tɛŋŋ kɛ́ ona ole akɛ akɛɛɛ bo anɔkwale ni kɔɔ Nyɔŋmɔ he? [Ŋmɛɛ lɛ gbɛ ni eha hetoo.] Kwɛmɔ nɔ ni Yesu kɛɛ yɛ bɔ ni wɔɔfee wɔna nɔ ni ji anɔkwale kɛ amale he. [Kanemɔ Yohane 17:17.] No hewɔ lɛ, Biblia lɛ pɛ ni haa wɔleɔ anɔkwale ni kɔɔ Nyɔŋmɔ he. Wolo tɛtrɛɛ nɛɛ wieɔ amalei enumɔ komɛi ni ehe shi waa ni kɔɔ Nyɔŋmɔ he ni Biblia lɛ ekpa he mama lɛ ahe.”

Awake! October

“Wɔkɛ wekui fɛɛ miisusu sane ko he ŋmɛnɛ. Kɛ́ okwɛ lɛ, mɛni ji naagba wulu ni fɔlɔi kɛkpeɔ yɛ amɛbii atsɔsemɔ mli ŋmɛnɛ? [Ŋmɛɛ lɛ gbɛ ni eha hetoo.] Fɔlɔi babaoo kɛ amɛhe fɔ̃ɔ Biblia mli ŋaawoo nɔ. Akɛ nɔkwɛmɔnɔ lɛ, wiemɔi nɛɛ yeɔ ebuaa kɛha gbekɛbii atsɔsemɔ. [Kanemɔ Efesobii 4:31.] Wolo tɛtrɛɛ nɛɛ tsɔɔ bɔ ni ŋaawoo ni yɔɔ Biblia lɛ mli lɛ baanyɛ aye abua fɔlɔi ni amɛnyɛ amɛtsɔse amɛbii lɛ kɛjɛ beni amɛji abifabii aahu kɛyashi amɛbaatsɔmɔ oblahii kɛ oblayei.”