Shiɛmɔ Wiemɔi

Kɛhã Kaimɔ lɛ he Ninefɔ̃ɔ Tafãa Lɛ

“Wɔkɛ wolo nɛɛ miifɔ̃ mɛi anine kɛmiiya nifeemɔ ko ni he hiaa waa lɛ shishi. Yɛ April 14 lɛ nɔ lɛ, mɛi akpekpei abɔ baabua amɛhe naa yɛ jeŋ fɛɛ koni amɛye Yesu Kristo gbele lɛ he gbi jurɔ ni amɛbo Biblia mli maŋshiɛmɔ ko ni tsɔɔ bɔ ni wɔnáa egbele lɛ he sɛɛ lɛ toi, ni aheŋ amɛ nɔ ko. Ninefɔ̃ɔ wolo nɛɛ tsɔɔ be ni abaafee kpee nɛɛ kɛ wɔkutso lɛ mli he ni abaafee yɛ.”

Buu-Mɔɔ April 1

“Wɔkɛ be kukuoo ko miisara mɛi ni wɔkɛ amɛ asusu sane ko ni kɔɔ mɛi babaoo ahe lɛ he. Etamɔ nɔ ni mɔ fɛɛ mɔ esɔle pɛŋ, ekɔɔɔ he eko jamɔ mli ni eyɔɔ. Te osusuɔ tɛŋŋ: Kɛ́ wɔsɔle lɛ, ani Nyɔŋmɔ hãa wɔ hetoo, aloo sɔlemɔi hãa wɔjieɔ wɔjwɛŋmɔ kɛjɛɔ wɔnaagbai lɛ anɔ kɛkɛ? [Ŋmɛɛ gbɛ ni ehã hetoo.] Kadimɔ nɔ ni Biblia lɛ kɛɔ yɛ sɔlemɔ he. [Kanemɔ 1 Yohane 5:​14.] Wolo tɛtrɛɛ nɛɛ tsɔɔ bɔ ni sɔlemɔ yeɔ ebuaa wɔ.”

Awake! April

“Wɔba oŋɔɔ koni wɔbatsɔɔ bo bɔ ni ooofee otsu naagba ko ni mɛi babaoo kɛmiikpe lɛ he nii. Mɛi komɛi ashihilɛ mli naagbai esu amɛ aahu akɛ efeɔ amɛ akɛ amɛyagbe amɛhe. Kɛ́ mɔ ko hao nakai lɛ, ani osusuɔ akɛ nɔ diɛŋtsɛ ni etaoɔ ji ni egbo, aloo eetao ni enaagbai lɛ asɛɛ afo ni ehe ajɔ lɛ kɛkɛ? [Ŋmɛɛ gbɛ ni ehã hetoo.] Biblia mli shiwoo nɛɛ eye ebua mɛi babaoo ni amɛnyɛ amɛná jwɛŋmɔ ni ja yɛ amɛnaagbai lɛ ahe. [Kanemɔ Kpojiemɔ 21:​3, 4.] Wolo tɛtrɛɛ nɛɛ tsɔɔ yiŋtoi etɛ ahewɔ ni esa akɛ mɔ ko aya nɔ ehi shi ekɔɔɔ he eko naagbai ni ekɛkpeɔ bianɛ.”