Shiɛmɔ Wiemɔi

Kɛhã Biblia mli nikasemɔi ashishijee yɛ klɛŋklɛŋ Hɔɔ ni yɔɔ March mli lɛ nɔ

“Wɔkɛ be kukuoo ko miisara mɛi ni wɔkɛ amɛ asusu nɔ ko ni abaafee yɛ April 14 lɛ nɔ lɛ he. Nakai gbi lɛ nɔ Yesu gbo. Mɛi komɛi baakai gbi nɛɛ, ejaakɛ amɛnuɔ he akɛ egbele lɛ he yɛ sɛɛnamɔ waa. Shi mɛi komɛi hu lé sɛɛnamɔ ni yɔɔ Yesu gbele lɛ he. Ani oheɔ oyeɔ akɛ Yesu gbele lɛ he yɛ sɛɛnamɔ kɛhã mi kɛ bo fɛɛ?” Ŋmɛɛ gbɛ ni ehã hetoo. Okɛ sane ni yɔɔ March 1 Buu-Mɔɔ lɛ sɛɛ lɛ atsɔɔ lɛ, ni okɛ lɛ asusu sane ni yɔɔ klɛŋklɛŋ sanebimɔ lɛ shishi lɛ he, ni nyɛkane kɛ́ hooo lɛ ŋmalɛi ni yɔɔ jɛmɛ lɛ ateŋ ekome. Okɛ woji tɛtrɛbii lɛ ahã lɛ, koni okɛ lɛ ato gbɛjianɔ ni okɛ lɛ ayasusu sanebimɔ ni nyiɛ sɛɛ lɛ he.

Buu-Mɔɔ March 1

“Mɛi pii enaaa nɔ hewɔ ni Nyɔŋmɔ efooo jalɛsane ni ayeee kɛ amanehulu ni ekpele je lɛŋ lɛ sɛɛ. Ani osusuɔ akɛ amanehulu ni yaa nɔ lɛ tsɔɔ akɛ Nyɔŋmɔ susuuu wɔhe aloo akɛ eŋɔɔ enaa akɛ adesai miina nɔ? [Ŋmɛɛ gbɛ ni ehã hetoo. No sɛɛ lɛ, kanemɔ Yohane 3:16.] Eyɛ mli akɛ mɛi pii tsɛɔ ŋmalɛ nɛɛ yisɛɛ kɛtsɔɔ bɔ ni Nyɔŋmɔ susuɔ wɔhe lɛ mli moŋ, shi amɛlé bɔ ni amɛnáa Nyɔŋmɔ bi lɛ gbele lɛ he sɛɛ amɛhãa. Wolo nɛɛ tsɔɔ akɛ kɛtsɔ Yesu gbele lɛ nɔ lɛ, jalɛsane ni ayeee kɛ amanehulu fɛɛ sɛɛ baafo.”

Awake! March

“Wɔkɛ be kukuoo ko miisara mɛi ni wɔkɛ amɛ asusu ŋmalɛ nɛɛ he. [Kanemɔ 1 Mose 1:1.] Ŋmalɛ nɛɛ hewɔ lɛ, mɛi komɛi heɔ yeɔ akɛ abɔ je lɛ, shi mɛi komɛi hu ekpɛlɛɛɛ nɔ nakai. Ofainɛ, te bo hu osusuɔ tɛŋŋ? [Ŋmɛɛ gbɛ ni ehã hetoo.] Mɛi babaoo heee yeee akɛ abɔ ade ejaakɛ jamɔŋ hiɛnyiɛlɔi lɛ tsɔɔ nibii ni bɛ Biblia lɛ mli. Wolo nɛɛ tsɔɔ wɔ nɔ ni Biblia lɛ kɛɔ yɛ bɔ ni fee ni je lɛ ba shihilɛ mli lɛ he. Nilee yɛ mlitsɔɔmɔ ni ekɛhãa lɛ mli, ni esa akɛ ahe aye.”