Shiɛmɔ Wiemɔi

Kɛhã Kaimɔ lɛ He Ninefɔ̃ɔ Tafãa Lɛ

“Wɔkɛ wolo nɛɛ miifɔ̃ mɛi anine kɛmiiya nifeemɔ ko ni he hiaa waa lɛ shishi. Yɛ April 3 lɛ, mɛi akpekpei abɔ baabua amɛhe naa yɛ jeŋ fɛɛ koni amɛye Yesu Kristo gbele lɛ he gbi jurɔ ni amɛbo Biblia mli maŋshiɛmɔ ko ni tsɔɔ bɔ ni wɔnáa egbele lɛ he sɛɛ lɛ toi, ni aheŋ shika. Ninefɔ̃ɔ wolo nɛɛ tsɔɔ be ni abaafee kpee nɛɛ kɛ wɔkutso lɛ mli he ni abaafee yɛ.”

Buu-Mɔɔ March 1

“Yɛ April 3 lɛ, abaaye Yesu Kristo gbele lɛ he gbi jurɔ. Mɛi komɛi baabua amɛhe naa yɛ wɔkutso lɛ mli yɛ gbi nɛɛ nɔ ni amɛye gbi jurɔ nɛɛ, shi mɛi komɛi hu susuɔ akɛ ehe ehiaaa ni akai Yesu gbele lɛ. Mɛni ji osusumɔ? Ani osusuɔ akɛ Yesu gbele kɛ eshitee lɛ he yɛ sɛɛnamɔ kɛhã wɔ? [Ŋmɛɛ gbɛ ni ehã hetoo.] Kadimɔ nɔ ni Nyɔŋmɔ Wiemɔ lɛ kɛɔ yɛ enɛ he. [Kanemɔ 1 Korintobii 15:22, 26.] Wolo tɛtrɛɛ nɛɛ wieɔ jɔɔmɔ ko ni Yesu kpɔ̃mɔ afɔleshaa lɛ baahã wɔná wɔsɛɛ lɛ he​—no ji, be ko baaba ni mɔ ko mɔ ko gboŋ yɛ shikpɔŋ lɛ nɔ dɔŋŋ.”

Awake! March

“Wɔkɛ be kukuoo ko miisara wɔkutsoŋbii lɛ koni wɔkɛ Awake! hee ni eba lɛ atsɔɔ amɛ. [Okɛ ehiɛ atsɔɔ lɛ.] Esoro mɔ fɛɛ mɔ susumɔ yɛ klɛŋklɛŋ sanebimɔ nɛɛ he, no ji: ‘Ani Nyɔŋmɔ ko yɛ?’ Kɛ́ okwɛ lɛ, namɛi yɔɔ wɔsɛɛ he jwɛŋmɔ ni ja​—mɛi ni heɔ Nyɔŋmɔ nɔ amɛyeɔ lɛ aloo mɛi ni heee enɔ amɛyeee lɛ? [Ŋmɛɛ gbɛ ni ehã hetoo.] Naa shiwoo ko ni Nyɔŋmɔ kɛhãa ní hãa mɛi pii náa hiɛnɔkamɔ. [Kanemɔ Lala 37:10, 11.] Wolo tɛtrɛɛ nɛɛ wieɔ yiŋtoi ejwɛ komɛi ahewɔ ni esa akɛ wɔkwɛ akɛ Nyɔŋmɔ yɛ loo ebɛ lɛ he.”