Okɛ Hewalɛ ni Nyɔŋmɔ Wiemɔ lɛ Yɔɔ lɛ Atsu Nii yɛ Shiɛmɔ Nitsumɔ lɛ Mli
Kɛ́ mɔ ko ŋmɛ wɔ gbɛ ní wɔshiɛ sane kpakpa lɛ wɔhã lɛ lɛ, wɔŋɔɔ hegbɛ lɛ ni wɔkɛ hewalɛ ni Nyɔŋmɔ Wiemɔ lɛ yɔɔ lɛ tsuɔ nii kɛtsɔ Biblia lɛ ni wɔkaneɔ tɛ̃ɛ lɛ nɔ. Ama enɛ nɔ mi yɛ gbi kome kpee krɛdɛɛ ni afee nyɛsɛɛ afi lɛ shishi. Kpokpaa nɔkwɛlɔ lɛ hã wiemɔ ko ni yitso ji “Okɛ Hewalɛ ni Nyɔŋmɔ Wiemɔ lɛ Yɔɔ lɛ Atsu Nii yɛ Shiɛmɔ Nitsumɔ lɛ Mli.” Ani okaiɔ otii ni je kpo yɛ mli lɛ?
Mɛni hewɔ Yehowa wiemɔ lɛ yɔɔ hewalɛ kwraa fe wɔ diɛŋtsɛ wɔwiemɔ lɛ?—2 Tim. 3:16, 17.
Mɛɛ gbɛ nɔ Biblia lɛ kanyaa henumɔi, ejajeɔ susumɔi kɛ yiŋtoi, ni etsakeɔ mɛi asubaŋ?—Kwɛmɔ June 15, 2012, Buu-Mɔɔ lɛ, bf. 27, kk. 7.
Kɛ́ wɔkane ŋmalɛ ko yɛ shiɛmɔ nitsumɔ lɛ mli lɛ, te wɔɔfee tɛŋŋ wɔgbala mɛi ajwɛŋmɔ kɛba Nyɔŋmɔ Wiemɔ lɛ nɔ bɔ ni baahã amɛná bulɛ kɛhã Biblia lɛ?—Kwɛmɔ Sɔɔmɔ Skul wolo lɛ, bf. 148, kk. 3-4 kɛ March 2013 Wɔ Maŋtsɛyeli Sɔɔmɔ lɛ, bf. 6, kk. 8.
Mɛni hewɔ ehe hiaa ni wɔgbala ŋmalɛi ni wɔkaneɔ lɛ amli ni wɔkɛ mɛi asusu he lɛ, ni mɛɛ gbɛ nɔ wɔɔtsɔ wɔfee nakai?—Bɔf. 17:2, 3; Kwɛmɔ Sɔɔmɔ Skul wolo lɛ, bf. 154, kk. 4 kɛyashi bf. 156, kk. 5.