Lá Kɛ Miishɛɛ Kɛjie Yehowa Yi

Paulo kɛ Sila lá kɛjie Yehowa yi be ni awo amɛ tsuŋ lɛ. (Bɔf 16:25) Ekã shi faŋŋ akɛ, lamɔ ni amɛlá lɛ wo amɛ hewalɛ ní amɛfĩ shi. Ŋmɛnɛ lɛ, wɔ hu lalai ni wɔláa yɛ wɔkpeei ashishi kɛ asafo lɛ lalai krokomɛi lɛ baanyɛ awo wɔ hewalɛ ni wɔye Yehowa anɔkwa kɛ́ wɔkɛ shihilɛ ko ni mli wa miikpe. Nɔ ni fe fɛɛ lɛ, wɔkɛ lalai nɛɛ jieɔ Yehowa yi. (La 28:7) Awo wɔ hewalɛ ni kɛhooo kwraa lɛ, wɔkase lalai nɛɛ ekomɛi amli wiemɔi lɛ wɔwo wɔyitsoŋ. Ani oka okwɛ? Wɔbaanyɛ wɔkase lalai lɛ kɛ amɛmli wiemɔi lɛ yɛ wɔweku jamɔ shishi.

KWƐMƆ VIDIO NI JI, GBEKƐBII LÁ KƐJIE YEHOWA YI LƐ, KONI NO SƐƐ LƐ OHÃ SANEBIMƆI NI NYIƐ SƐƐ LƐ AHETOO:

• 

  Kɛ́ wɔlá Maŋtsɛyeli lalai lɛ, mɛɛ gbɛ nɔ ebaanyɛ ená wɔnɔ hewalɛ?

• 

  Mɛɛ gbɛ nɔ Audio/Video Departments lɛ tsɔɔ amɛrikɔdiɔ lalai?

• 

  Mɛɛ gbɛ nɔ gbekɛbii kɛ amɛwekui tsɔɔ amɛsaa amɛhe kɛhã rikɔdiŋ?

• 

  Mɛɛ Maŋtsɛyeli lalai osumɔɔ waa, ni mɛni hewɔ?