Nɔ Ko Ni Obaanyɛ Okase
Kpe Asafo Lɛ Lalai Lɛ Amli Wiemɔi Owo Oyitsoŋ
“Kɛ́ mimiishɛɛ fɛɛ tã lɛ, Yehowa tsɔɔ lalai ni yɔɔ JW Broadcasting® lɛ mli lɛ anɔ ewoɔ mi hewalɛ.”—Lorraine, U.S.A.
Kɛjɛ blema tɔ̃ɔ lɛ, Kristofoi láa kɛjieɔ Nyɔŋmɔ yi. (Kol. 3:16) Kɛ́ okpe asafo lɛ lalai lɛ amli wiemɔi owo oyitsoŋ lɛ, ebaanyɛ eye ebua bo kɛ́ ohiɛɛɛ lalawolo loo tablɛti kɛ amɛhenɔi lɛ po. Ŋaawoi ni nyiɛ sɛɛ nɛɛ baanyɛ aye abua bo ni okase wɔlalai lɛ owo oyitsoŋ.
Kanemɔ lala lɛ mli wiemɔi lɛ jogbaŋŋ koni onu shishi. Kɛ́ onu nɔ ko shishi jogbaŋŋ lɛ, ewaaa akɛ obaakai. Asafo lɛ lalai lɛ fɛɛ, ni JW Broadcasting lalai lɛ kɛ gbekɛbii alalai lɛ hu fata he lɛ, amli wiemɔi yɛ jw.org lɛ nɔ. Kɛ́ otee Woji Kɛ Nibii, ni otee Lalai lɛ, obaana yɛ jɛmɛ.
Ŋmalamɔ lala lɛ mli wiemɔi lɛ oshwie shi. Enɛ baahã lala lɛ mli wiemɔi lɛ aka ojwɛŋmɔ mli waa.—5 Mo. 17:18.
Kɛ́ ookase lɛ, hã eje kpo yɛ onaa. Kanemɔ lala lɛ mli wiemɔi lɛ loo lá lala lɛ shii abɔ.
Kwɛmɔ akɛ obaanyɛ okai lo. Bɔɔ mɔdɛŋ akɛ obaalá lala lɛ ni okwɛɛɛ wolo lɛ nɔ, ni kɛ́ ogbe naa lɛ, okɛto wolo lɛ he okwɛ akɛ onyɛ okai fɛɛ lo.