Sɔɔmɔ Akɛ Gbɛgbalɔ Kɛjie Yehowa Yi

Israelbii lɛ ná yiŋtoi kpakpai ni hã amɛjie Yehowa yi. Ejie amɛ kɛje Ejipt, ni ehere amɛ kɛje Farao asraafoi lɛ adɛŋ! (2Mo 15:1, 2) Yehowa kã he eefee nibii kpakpai eehã ewebii lɛ. Mɛni wɔbaanyɛ wɔfee kɛda lɛ shi?—La 116:12.

Gbɛ kome ji, ni wɔbaasɔmɔ akɛ gbɛgbalɔi awalɔ loo daa gbɛgbalɔ. Obaanyɛ osɔle koni oshwe, ni oná hewalɛ hu kɛsɔmɔ akɛ gbɛgbalɔ. (Fip 2:13) Mɛi pii feɔ gbɛgbalɔi awalɔ klɛŋklɛŋ. Obaanyɛ ohala akɛ okɛ ŋmɛlɛtswai 30 loo 50 baashiɛ yɛ March kɛ April mli, loo yɛ nyɔɔŋ ni kpokpaa nɔkwɛlɔ lɛ ebasara nyɛsafo lɛ mli. Kɛ́ osa gbɛgbalɔi awamɔ nitsumɔ lɛ naa, ni ona bɔ ni eŋɔɔ hã lɛ, ekolɛ obaasumɔ ni otsɔ daa gbɛgbalɔ. Mɛi ni kɛ amɛbe fɛɛ tsuɔ nii loo amɛbɛ gbɔmɔtsoŋ hewalɛ lɛ ateŋ mɛi komɛi po miisɔmɔ akɛ daa gbɛgbalɔi. (mwb16.07 8) Ekã shi faŋŋ akɛ, esa akɛ wɔfee bɔ fɛɛ bɔ ni wɔɔnyɛ ni wɔjie Yehowa yi!​—1Kr 16:25.

KWƐMƆ VIDIO NI JI, NYƐMIMƐI YEI ETƐ NI YƆƆ MONGOLIA LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:

• 

  Mɛɛ naagbai nyɛmimɛi yei etɛ lɛ ye nɔ dani amɛbatsɔmɔ gbɛgbalɔi?

• 

  Mɛɛ jɔɔmɔi amɛná?

• 

  Be ni amɛsɔmɔɔ akɛ daa gbɛgbalɔi lɛ, mɛɛ sɔɔmɔ hegbɛi krokomɛi amɛná?

• 

  Mɛɛ hewalɛ amɛná yɛ mɛi krokomɛi anɔ?