Ye Obua O-Biblia Mli Nikaselɔ Lɛ Koni Ekɛ Mɛi Ni Sumɔɔɔ Yehowa Akabɔ

Ja Biblia mli nikaselɔi kɛ nanemɛi kpakpai bɔɔ dani Yehowa kɛ amɛ baabɔ naanyo. (La 15:1, 4) Nanemɛi kpakpai baawa amɛ ni amɛfee nɔ ni ja.​—Abɛ 13:20; lff nikasemɔ 48.

Kɛ́ ooye oobua o-Biblia mli nikaselɔ ko koni etsi ehe kɛje nanemɛi gbohii ahe lɛ, nu he ohã lɛ. Ekolɛ, ebaawa ehã lɛ akɛ ekɛ enanemɛi ni jáaa Yehowa lɛ baakpa bɔɔ. Enɛ hewɔ lɛ, yɛ gbii ni nyɛkaseee nii lɛ anɔ po lɛ, feemɔ nibii ni tsɔɔ akɛ osusuɔ ehe. Obaanyɛ osɛndi lɛ tɛs mɛseji, otswa lɛ, loo oyasara lɛ po. Be ni eyaa ehiɛ lɛ, obaanyɛ ohã ebafata bo kɛ nyɛmimɛi krokomɛi ahe kɛjie nyɛhiɛtserɛ. Kɛkɛ lɛ, ebaana faŋŋ akɛ, kɛ́ ekɛ nanemɛi ni jáaa Yehowa lɛ kpa bɔɔ lɛ, ebaaná nanemɛi kpakpai babaoo. (Mar 10:29, 30) Kɛ́ ona akɛ Yehowa weku lɛ miida lɛ, bo hu obaaná miishɛɛ.

KWƐMƆ VIDIO NI JI, YE OBUA O-BIBLIA MLI NIKASELƆ LƐ KONI EKƐ MƐI NI SUMƆƆƆ YEHOWA AKABƆ LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:

• Namɛi ji nanemɛi gbohii?​—1Ko 15:33

• Te Jade susu akɛ Kristofoi ahenaabuamɔ baafee tɛŋŋ?

• Mɛni Anita fee kɛwa Jade ni ená nanemɛi kpakpai?