Yaasɔmɔ Yɛ He Ni Hiamɔ Lɛ Da Yɛ

Ja oyɛ hemɔkɛyeli dani obaanyɛ ofã kɛya he kroko bɔ ni afee ni onyɛ otsu babaoo yɛ shiɛmɔ nitsumɔ lɛ mli. (Heb 11:8-10) Kɛ́ ootao oyasɔmɔ yɛ he ko ni hiamɔ lɛ da yɛ lɛ, okɛ osafoŋ onukpai lɛ agba he sane. Mɛɛ gbɛ nɔ obaanyɛ obu nibii anaa okwɛ ni ona kɛji esa akɛ oya, ni ohala he ni obaaya? Kanemɔ loo kwɛmɔ saji ni kɔɔ he yɛ nibii ni asafo lɛ efee lɛ amli. Okɛ mɛi ni enyɛ amɛyasɔmɔ yɛ asafo kroko mli, loo mɛi ni miifee nakai amrɔ nɛɛ agba sane. (Abɛ 15:22) Sɔlemɔ obi Yehowa ni etsɔɔ bo gbɛ. (Yak 1:5) Taomɔ he ni obaasumɔ ni oya lɛ he saji pii, ni kɛ́ ebaahi po lɛ, oyaye gbii saŋŋ yɛ jɛmɛ dani okpɛ oyiŋ.

KWƐMƆ VIDIO NI JI, OKƐ HEMƆKƐYELI ATSƆ SHINAA NI AGBELE KƐHÃ NITSUMƆ LƐ MLI​—YAASƆMƆ YƐ HE NI HIAMƆ LƐ DA YƐ LƐ, KONI NO SƐƐ LƐ OHÃ SANEBIMƆI NƐƐ HETOO:

• Mɛɛ tsakemɔi ebi ni Gabriel afee, ni mɛni wa lɛ?