Kɛ́ Ohe Fi Bo Lɛ, Onijiaŋ Akaje Wui

Shihilɛ yɛ naagbee gbii nɛɛ amli lɛ bɛ mlɛo kwraa. Ekã shi faŋŋ akɛ, be ni wɔbɛŋkɛɔ jeŋ fɔŋ nɛɛ naagbee lɛ, naagbai ni wɔkɛkpeɔ lɛ baafa fe tsutsu lɛ. Ekolɛ wɔhe baafi wɔ bei komɛi. (Hab 3:16-18) Mɛni baawa wɔ koni kɛ́ wɔhe fi wɔ lɛ, wɔnijiaŋ akaje wui? Esa akɛ wɔya nɔ wɔkɛ wɔhiɛ afɔ̃ Yehowa, wɔ-Nyɔŋmɔ lɛ nɔ. Ewo shi akɛ ebaakwɛ etsuji, ni ekɔɔɔ he eko shihilɛ mli ni wɔyɔɔ lɛ, ebaanyɛ ekwɛ wɔ.​—La 37:18, 19; Heb 13:5, 6.

Nɔ ni obaanyɛ ofee:

• Kpa Yehowa fai ni etsɔɔ bo gbɛ, ehã bo hiɛshikamɔ, ni ewa bo.​—La 62:8

• Kaahã efee bo hiɛgbele akɛ obaatsu nitsumɔ ko ni otsuko dã.​—mwbr22.09 1 kk. 4–2 kk. 1

• Kanemɔ Nyɔŋmɔ Wiemɔ lɛ daa, yaa asafoŋ kpeei daa, ni okɛ ohe awo shiɛmɔ nitsumɔ lɛ mli daa

KWƐMƆ VIDIO NI JI, MAA SHĨA NI BAAHI SHI DAA​—‘OMII ASHƐ NIBII NI YƆƆ AMRƆ NƐƐ HE’ LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:

• Mɛɛ naagbai komɛi wekui komɛi kɛkpe?

• Mɛni ji nɔ ni he hiaa fe fɛɛ yɛ shihilɛ mli?

• Mɛɛ gbɛ nɔ wɔbaanyɛ wɔwa mɛi ni he efi amɛ lɛ?