Nɔ Ko Ni Obaanyɛ Okase
Ani Osumɔɔ Wɔnyɛmimɛi Kristofoi Lɛ Awala Shihilɛ He Saji Lɛ Kanemɔ?
Nyɛmi nuu ko kɛ eŋa kaneɔ wala shihilɛ he saji nɛɛ ekome daa leebi, ni nɔ ni amɛkɛɛ nɛ: “Saji nɛɛ ni wɔkaneɔ lɛ woɔ wɔ hewalɛ ni amɛhãa wɔnáa miishɛɛ waa. Amɛhãa wɔnaa akɛ, ekɔɔɔ he eko shihilɛ ni wɔkɛbaakpe lɛ, wɔbaanyɛ wɔye Yehowa anɔkwa.” Nyɛmi yoo ko hu nuɔ he nakai. Ewie akɛ: “Wala shihilɛ he saji nɛɛ taa mɔ tsuiŋ, amɛshɛjeɔ mɔ mii, ni amɛwoɔ mɔ hewalɛ. Onaa akɛ, nyɛmimɛi nɛɛ miitsu nɔ ko kpakpa yɛ shihilɛ mli ni amɛtsui enyɔ amɛmli waa. Amɛsaji lɛ woɔ mi hewalɛ ni matsu babaoo yɛ Yehowa sɔɔmɔ lɛ mli ni maye mabua mibii lɛ ni amɛkɛ be fɛɛ sɔɔmɔ nitsumɔ lɛ ama amɛhiɛ.”
Wɔnyɛmimɛi lɛ awala shihilɛ he saji lɛ baanyɛ awo bo hewalɛ ni otsu babaoo yɛ Yehowa sɔɔmɔ lɛ mli, otsu ogbɔjɔmɔi ahe nii, ni okɛ miishɛɛ afi shi shiŋŋ yɛ shihilɛi ni mli wawai po amli. Nɛgbɛ obaana wala shihilɛ he saji nɛɛ yɛ?
Yaa jw.org lɛ loo JW Library® lɛ fã ni ji, “Life Stories of Jehovah’s Witnesses” lɛ.
Yaa Watchtower ONLINE LIBRARY™ lɛ, loo gbelemɔ Blɔfo Watchtower Library lɛ ni otswa “Life Stories of Jehovah’s Witnesses” owo he ni ataoɔ nibii yɛ lɛ.