Feemɔ Ekãa Kɛ́ Mɛi Sumɔɔɔ Ni Ofee Nɔ Ni Ja Po

Kanemɔ Yeremia 38:​1-13 lɛ ni ona bɔ ni gbalɔ Yeremia kɛ maŋtsɛ shĩa onukpa Ebed-melek fee ekãa koni okase amɛ.

Kanemɔ saji ni tsɔ hiɛ lɛ kɛ nɔ ni nyiɛ sɛɛ lɛ fɛɛ jogbaŋŋ. Mɛni hewɔ ebabi ni Yeremia afee ekãa dani enyɛ ekɛ sane ni Yehowa kɛtsu lɛ lɛ ahã emaŋbii lɛ? (Yer. 27:​12-14; 28:​15-17; 37:​6-10) Te amɛfee amɛnii amɛhã tɛŋŋ yɛ nɔ ni Yeremia kɛɛ amɛ lɛ he?—Yer. 37:​15, 16.

Taomɔ nii amli. Mɛni kulɛ mɛi lɛ taoɔ ni Yeremia afee? (jr 27 kk. 20-22) Taomɔ nii amli ni okwɛ akɛ blema lɛ, mɛni akɛ bu ni akɛtoɔ nu feɔ, ni te etamɔ tɛŋŋ? (it-1-E 471) Kɛ́ okwɛ lɛ, te Yeremia nu he ehã tɛŋŋ be ni akɛ lɛ wo bu lɛ mli ni ebɔi fuu yɛ ŋmɔtɔ lɛ mli lɛ? Mɛni ekolɛ Ebed-melek baashe he gbeyei?—w12-E 5/1 31 kk. 2-3.

Jwɛŋmɔ nibii ni okase yɛ mli lɛ anɔ. Bi ohe akɛ:

• ‘Mɛni sane nɛɛ hãa minaa yɛ gbɛ ni Yehowa tsɔɔ nɔ ebuɔ etsuji anɔkwafoi ahe lɛ he?’ (Lala 97:10; Yer. 39:​15-18)

• ‘Mɛɛ shihilɛi nɛkɛ mi hu kɛ́ mikɛkpe lɛ, ebaabi ni mafee ekãa?’

• ‘Mɛni kɛ́ mifee lɛ ebaaye ebua mi ni mafee ekãa kɛ́ mɛi sumɔɔɔ ni mafee nɔ ni ja po?’(w11-E 3/1 30)a