Shikpɔŋhosomɔ Ko Ni Naa Wa Waa Egbe Mɛi Babaoo Yɛ Turkey Kɛ Syria​—Mɛni Biblia Lɛ Kɛɔ Yɛ He?

Yɛ Ju, February 6, 2023 lɛ, shikpɔŋhosomɔ ko gbe mɛi babaoo yɛ Turkey kɛ Syria fɛɛ.

• “Ju ni ho nɛɛ, shikpɔŋhosomɔ ko ni naa wa gbe mɛi 3,700 kɛ sɛɛ yɛ Turkey hei babaoo kɛ Syria kooyi-anaigbɛ. Nɔ ni wo sane lɛ mli wu waa hu ji akɛ, akɛni fɛ̃i miiye waa yɛ jɛmɛ hewɔ lɛ, anáaa lɛ mlɛo akɛ abaaye abua mɛi ni shikpɔŋhosomɔ lɛ epila amɛ kɛ mɛi ni amɛshĩai hu ekumɔ lɛ.”​—Reuters, February 6, 2023.

Anɔkwa wɔtsui kumɔɔ waa kɛ́ wɔkane oshãrai ni kɔɔ saji tamɔ nɛkɛ lɛ ahe. Yɛ bei ni tamɔ nɛkɛ lɛ amli lɛ, wɔbaanyɛ wɔkɛ wɔhiɛ afɔ̃ Yehowa, ni ji “miishɛjemɔ fɛɛ Nyɔŋmɔ lɛ” nɔ. (2 Korintobii 1:3) Etsɔɔ “Ŋmalɛ lɛ mli miishɛjemɔ lɛ nɔ [ehãa wɔnáa] hiɛnɔkamɔ.”​—Romabii 15:4.

Biblia lɛ yeɔ ebuaa wɔ ni wɔleɔ:

• Nibii ni agba yɛ shikpɔŋhosomɔ he.

• He ni wɔbaanyɛ wɔná miishɛjemɔ kɛ hiɛnɔkamɔ yɛ.

• Bɔ ni Nyɔŋmɔ baafee ejie nɔnaa fɛɛ yɛ shihilɛ mli.

Kɛ́ ootao ole nɔ ni Biblia lɛ kɛɔ yɛ saji nɛɛ ahe lɛ, kanemɔ saji ni ji:

• “Mɛni Biblia Lɛ Gba Yɛ Shikpɔŋhosomɔi Wuji Ahe?”

• “Where Can I Find Hope?”

• “Etsɛŋ, Nyɔŋmɔ Baafo Nɔnai Fɛɛ Asɛɛ”