Na 1993 “Ŋwɛi Nitsɔɔmɔ” Kpokpaa Wulu Nɔ Kpee Lɛ He Sɛɛ Kɛmɔ Shi
1 “Yehowa, tsɔɔmɔ mi ogbe Iɛ.” (Lala 86:11) Esa akɛ enɛ afee Nyɔŋmɔ tsulɔ fɛɛ tsulɔ ni ejɔɔ ehe nɔ lɛ faikpamɔ ni mli wa. Wɔtswa wɔfai shi akɛ wɔkpaŋ nikasemɔ kɔkɔɔkɔ, ni wɔkpaŋ nɔ ni wɔkaseɔ lɛ hu kɛ nitsumɔ. Bei komɛi lɛ, ehe hiaa ni ajaje wɔ, ni taakɛ lalatsɛ lɛ fee lɛ, ehe miihia ni wɔkpa Nyɔŋmɔ fai ni efee wɔtsui ekome koni emli akaja enyɔ. Gbɛjianɔ ni ato yɛ “Ŋwɛi Nitsɔɔmɔ” Kpokpaa Wulu nɔ kpee lɛ shishilɛ kɛ gbɛtsɔɔmɔ kɛ jajemɔ ni anyɛɔ atsuɔ he nii, ni he hiaa wɔ koni wɔsɔmɔ Yehowa yɛ anɔkwayeli mli yɛ nibii agbɛjianɔtoo nɛɛ nɔnyɛɛi ashishi lɛ baaha wɔ.
2 Gbii ejwɛ kpee: Abaafee kpeei 12 yɛ hei sɔrɔtoi 9 yɛ maŋ nɛɛŋ fɛɛ. Wɔ Maŋtsɛyeli Sɔɔmɔ ni je kpo yɛ June mli lɛ etsɔɔ hei ni abaafee kpeei lɛ yɛ fɛɛ jogbaŋŋ. Wiemɔ ni abaawie Iɛ damɔ he ni afeɔ kpee lɛ yɛ Iɛ nɔ, ni abaawiɛ Twi, Fanti. Ewe, Ga, kɛ Blɔfo. Enɛ ji klɛŋklɛŋ kwraa ni wɔhiɛ ka nɔ akɛ wɔbaanyɛ wɔfee kpee muu lɛ fɛɛ yɛ Krobo wiemɔ mli, ni abaafee ekɛ Twi kpee lɛ fɛɛ yɛ be kome mli yɛ Koforidua. Abaawie Frafra hu yɛ Tamale kpee lɛ shishi kpee Iɛ baaje shishi Soo shwane ŋmɛlɛ 1:20, ni ebaaba naagbee yɛ Hɔgbaa shwane aaafee gbɛkɛnaashi 4:15. Kwɛmɔ ni ohi kpee Iɛ shishi yɛ bei sɔrɔtoi lɛ fɛɛ mli ni ona mumɔŋ sɛɛnamɔi babaoo kɛjɛ mli.
3 Mɛni asaa ato wɔ? Mumɔŋ niyenii kpakpa ni fa babaoo, ni akɛbaaha yɛ gbɛi sɔrɔtoi anɔ: wiemɔi, nɔkwɛmɔ nii, mɛi kɛ sanegbaa, kɛ dramai enyɔ. Kaaha nɛkɛ nitsɔɔmɔ ni he hiaa nɛɛ eko miiho oyi! Kɛfata he lɛ, wɔhiɛ ka nɔ akɛ wɔkɛ wɔnanemɛi memeji lɛ baakpe ni wɔbaana nanemɛi heei hu. Nyɛmimɛi yei kɛ hii ni jɛ Ghana ni miisɔmɔ yɛ maji asɛɛ lɛ baaba kpee Iɛ yɛ maŋ nɛɛ mli. Ŋɔɔ hegbɛ nɛɛ ni okɛle nɛkɛ nyɛmimɛi hii kɛ yei anɔkwafoi nɛɛ. Kɛ fɔlɔ ji bo lɛ, okɛ obii lɛ afata ohe beni okɛ amɛ gbaa sane lɛ. Miishɛɛ kɛ he-kɛ-afɔleshaa mumɔ ni nɛkɛ anɔkwafoi nɛɛ yɔɔ lɛ baanyɛ afee Shishitoo nɔ kɛha obii bibii lɛ ni amɛsusu be-fɛɛ sɔɔmɔ lɛ ni amɛkɛaafee amɛshihilɛ mli nitsumɔ lɛ he.
4 Ani Okɛ Mlijaa Nyɔŋmɔ Mli Ekome Iɛ Fɛɛ Baaba Fiase Lɛ? Yehowa wo Israel lɛ shi yɛ Maleaki 3:10 akɛ kɛji amɛmiisumɔ ni amɛka lɛ, ni amɛkɛ mlijaa nyɔŋma mli ekome Iɛ fɛɛ ba fiase lɛ, no lɛ ebaafɔse jɔɔmɔi eshwie amɛnɔ aahu ni eteke nɔ.
5 Yɛ mɛi komɛi agbɛfaŋ lɛ, Yehowa ni amɛaaka lɛ lɛ baafee amɛ nitsumɔtsɛmɛi aŋɔɔ ni amɛaaya amrɔ nɔŋŋ ni amɛyahi be kukuoo mli hejɔɔmɔ aloo afi hejɔɔmɔ be koni amɛnyɛ amɛya kpee lɛ. Bei komɛi lɛ, nyɛmimɛi shashaoɔ shi akɛ amɛaafee enɛ, ejaakɛ amɛsusuɔ akɛ amɛ nitsumɔtsɛ lɛ eŋmɛŋ amɛ gbɛ ni amɛya kpee lɛ. Ni kɛlɛ, yɛ saji ni kɔɔɔ mumɔŋ nibii ahe (tamɔ yarafeemɔi) amli lɛ, ekolɛ amɛnaaa naagba ko kwraa akɛ amɛaaha amɛ nitsumɔtsɛ Iɛ ale nɔ ni amɛtaoɔ amɛfee.
6 Eka akɛ wɔbi wɔhe akɛ: Kɛ wɔnaanyo ko ni wɔsumɔɔ Iɛ waa miibote gbalashihilɛ mli yɛ he kroko lɛ, ani wɔyaŋ wɔ nitsumɔtsɛ lɛ ŋɔɔ wɔyabiŋ lɛ gbɛ koni wɔya yookpeemɔ Iɛ? Ni kɛ efee tamɔ nɔ ni ekpɛlɛɛɛ lɛ, ani wɔkɛ bulɛ gbalaŋ bɔ ni ya ni wɔɔnyɛ wɔya lɛ baatsɔɔ nɔ babaoo kɛha wɔ lɛ mli wɔtsɔŋ lɛ? Eka shi faŋŋ akɛ nii ni Yehowa aaatsɔɔ wɔ lɛ he hiaa kwraa fe yookpeemɔ ni wɔɔya! Kɛji wɔheɔ wɔyeɔ lɛlɛŋ akɛ kpee Iɛ shishi wiemɔi lɛ ahe miihia waa kɛha wɔmumɔŋ dalɛ lɛ, no lɛ ebaafee mlɛo kɛha wɔ akɛ wɔɔtsɔ wɔnitsumɔtsɛ lɛ yiŋ ni eŋmɛ wɔ gbɛ ni wɔya kpee lɛ.—Yakobo 1:7,8.
7 Yɛ Israel lɛ, mlijaa nyɔŋma lɛ feɔ heloonaa nii ni ahaa ni akɛfiɔ Yehowa jamɔ he lɛ sɛɛ. Yɛ wɔgbii nɛɛ amli lɛ, mlijaa nyɔŋma lɛ damɔ shi kɛha be, hewalɛ, kɛ shika ni akɛtsuɔ nii tɛɛ yɛ Yehowa sɔomɔ mli, ni akɛfiɔ Maŋtsɛyeli nitsumɔ lɛ sɛɛ lɛ. Mlijaa nyɔŋma nihamɔ Iɛ fai komɛi ji be ni wɔyeɔ yɛ kpeei bibii kɛ kpeei wuji ashishi, kɛ agbɛnɛ be ni wɔkɛsaa hei ni wɔkpeɔ yɛ lɛ ni jɛmɛ tseɔ lɛ. “Ŋwɛi Nitsɔɔmɔ” Kpokpaa Wulu nɔ kpee lɛ baaha wɔna hegbɛi babaoo ni wɔkɛ mlijaa nyɔŋma mli ekome Iɛ fɛɛ aba Yehowa mumɔŋ fiase lɛ. Mɛni ji enɛɛmɛi ateŋ ekomɛi?
8 Wɔbaanyɛ wɔkɛ mlijaa nyɔŋma Iɛ aba kɛtsɔ kpee lɛ shishi wiemɔi ni wɔɔbo toi jogbaŋŋ, kɛ miishɛɛ ni wɔkɛaafata he kɛla Maŋtsɛyeli lalai lɛ eko fɛɛ eko, kɛ bɔ ni wɔɔbo sɔlemɔi lɛ fɛɛ toi jogbaŋŋ, koni wɔkɛ wɔ Amen ni jɛ wɔtsuiŋ afata he lɛ nɔ.
9 Bɔ ni wɔyaa wɔhiɛ yɛ anɔkwale Iɛ mli Iɛ damɔ bɔ ni wɔboɔ wiemɔ toi lɛ nɔ babaoo. Yɛ henaabuamɔ wuji ashishi lɛ, ewaaa kwraa akɛ nɔ ni mɛi ni yɔɔ wɔmasɛi lɛ feɔ lɛ aaagbala wɔjwɛŋmɔ, ni no hewɔ lɛ, esa akɛ wɔha wɔjwɛŋmɔ anyiɛ wiemɔi lɛ asɛɛ. Kwɛmɔ ni oba kpee lɛ shishi ni osaa ohe jogbaŋŋ, kɛ o-Biblia, lala wolo, pɛn, kɛ niŋmaa wolo, kɛ agbɛnɛ Buu-Mɔɔ ni abaakase yɛ nakai otsi lɛ mli lɛ hu. Eyeɔ ebuaa waa kɛji oŋmala otii kɛ ŋmalɛi ni wielɔi lɛ fɛɛ kɛtsuɔ nii lɛ. Ha nibii ni oŋmalaa lɛ afee kukuji; kɛji ooŋmala nii pii lɛ, ebaanyɛ egbala ojwɛŋmɔ. Esa akɛ atsɔse gbekɛbii lɛ hu ni amɛfee mɛi ni boɔ wiemɔ toi jogbaŋŋ. Gbekɛbii hu baanyɛ amɛfata amɛfɔlɔi ahe ni amɛkɛ mlijaa nyɔŋma lɛ aba kɛtsɔ wiemɔ lɛ ni amɛaabo toi jogbaŋŋ lɛ nɔ.
10 Fɔlɔi komɛi toɔ gbɛjianɔ kɛhaa be ni hejɔlɛ yɔɔ mli yɛ shia daa gbi beni amɛkpaa amɛbii lɛ agbɛ akɛ amɛbaakane loo amɛkwɛ mfonirii ni yɔɔ Asafo lɛ woji lɛ ekome mli. Nɛkɛ tsɔsemɔ kpakpa nɛɛ haa efeɔ mlɛo kɛhaa gbekɛbii lɛ akɛ amɛaatara shi dioo yɛ nikasemɔ kɛ kpeei ashishi Fɔlɔi ni etsɔse bii ni amɛfeɔ nɔkwɛmɔ nɔ kpakpa lɛ kɛɔ akɛ amɛŋmɛɛɛ gbɛ ni amɛbii lɛ kɛ shwɛmɔ nii kɛ woji ni amɛtɛŋɔ nii yɛ mli lɛ aba kpeei ashishi Gbekɛbii bibii kwraa lɛ po baanyɛ akase akɛ yiŋtoo hewɔ ni ayaa kpeei lɛ ji ni aja Yehowa. Fɔlɔi ni tsɔɔ amɛbii bibii lɛ nɔ ni mlijaa nyɔŋma mli ekome lɛ fɛɛ ni amɛkɛaaha fiase lɛ tsɔɔ kɛhaa amɛ lɛ sa yijiemɔ babaoo diɛŋtsɛ!
11 Wɔbaanya wɔkɛ mlijaa nyɔŋma lɛ aba kɛtsɔ wɔbe kɛ hewalɛ ni wɔkɛaaha ni wɔkɛye wɔbua kpee lɛ he gbɛjianɔtoo lɛ nɔ. Hei pii yɛ ni ehe baahia ni atsu kpee lɛ shishi nitsumɔi komɛi agbe naa gbi kome loo gbii enyɔ dani kpee lɛ aje shishi Kɛ Obɛŋkɛ jɛmɛ lɛ, mɛni hewɔ otooo gbɛjianɔ ni weku muu lɛ fɛɛ kɛ amɛhe awo mli? Nyɛmimɛi komɛi kɛ amɛ Biblia kaselɔi ni etee hiɛ lɛ baa, ni no hewɔ lɛ, dani aaabaptisi amɛ po lɛ, nɛkɛ mɛi heei nɛɛ nyɛɔ amɛleɔ nɔ ni abiɔ yɛ Yehowa jamɔ sɛɛfimɔ mli. Nibii babaoo yɛ ni abaatsu koni akɛha kpee lɛ anyɛ aya nɔ jogbaŋŋ. Mɛni hewɔ nyɛkɛ nyɛhe haaa akɛ weku?
12 Bɔ ni wɔkɛ shika fiɔ kpee lɛ sɛɛ lɛ hu ji gbɛ kroko ni wɔtsɔɔ nɔ wɔkɛ mlijaa nyɔŋma lɛ baa Beni Yehowa tsɔɔ bɔ ni esa akɛ akɛ heloonaa nikeenii aba ni akɛti anɔkwa jamɔ sɛɛ lɛ, efa Israel maŋ lɛ akɛ: “Mɔ ko akabapue yɛ Yehowa hiɛ kɛ edɛ folo; mɔ fɛɛ mɔ aha bɔ ni eeenyɛ, bɔ fɛɛ bɔ ni Yehowa, o-Nyɔŋmɔ lɛ, ejɔɔo eha lɛ.” (5 Mose 16:16, 17) Kɛji gbɔmɛi lɛ nyɛ amɛha nii pii jio, amɛha fioo jio, amɛnikeenii ni amɛtsɔ hiɛ amɛfee lɛ klalo lɛ saa Yehowa hiɛ. Nakai nɔŋŋ, nyɛmimɛi babaoo tsɔɔ sɔlemɔ nɔ amɛsusuɔ yelikɛbuamɔ ni amɛkɛaaha lɛ he, kɛji eji shika diɛŋtsɛ aloo bank draft (ni aŋma aha “Watch Tower Convention” ni yɔɔ maŋ mli he ni abaafee kpee lɛ yɛ) . Ani oha obii bibii lɛ kɛ shika ewo tooyeli adeka lɛ mli da?
13 Wulemɔ Nyɔŋmɔ, ni ji Wɔyiwalaherelɔ Iɛ Tsɔɔmɔ Lɛ: Wɔbaanyɛ ‘wɔwula Nyɔŋmɔ, ni ji wɔyiwalaherelɔ lɛ tsɔɔmɔ lɛ yɛ nibii fɛɛ mli’ kɛtsɔ wɔjeŋba kɛ wɔsubaŋ kpakpa nɔ. (Tito 2:10) Yɛ gbɛ kroko nɔ lɛ, wɔbaanyɛ wɔtsɔɔ akɛ wɔkɛ ŋwɛi nitsɔɔmɔ miitsu nii yɛ wɔshihilɛ mli yɛ kpee lɛ shishi nɔŋŋ.
14 Ni wɔ subaŋ hu? Afɔɔɔ mɛi krokomɛi ahe susumɔ ŋmɛnɛ yɛ je lɛŋ. Shi Yehowa webii, ni Ŋmalɛ naa Shishitoo mlai kudɔɔ amɛ lɛ susuɔ nibii ni baahi aha amɛnanemɛi adesai krokomɛi lɛ ahe, shi jeee nɔ ni baahi aha amɛ pɛ. (Fil. 2:4) Wɔhiɛ hiɔ wɔhe nɔ yɛ mɛi krokomɛi ahe. Wɔtsirɛɛɛ amɛ kɛji wɔmiito sɛrɛnɛɛ kɛha niyenii loo woji ahemɔ. Wɔsusuɔ mɛi ni edara yɛ ani amli lɛ kɛ gbekɛbii bibii ni ekolɛ amɛkɛ amɛfɔlɔi damɔ liamɔ lɛ mli, ni ekolɛ onukpai ni hiɛ bɛ amɛhe nɔ lɛ baanyɛ atsirɛ amɛ lɛ ahe. Wɔjieɔ bulɛ kpo wɔtsɔɔ mɛi ni tsuɔ nii yɛ maŋ niyeli hei lɛ, ni wɔfeee basabasa aloo shɛii kɛji bɔ ni amɛniyenii lɛ yɔɔ lɛ shɛɛɛ bɔ ni wɔkpaa gbɛ lɛ. Ni esa akɛ wɔhiɛ ahi wɔhe nɔ yɛ nɔ ni afɔɔ feemɔ ni ji nɔ ko ni akɛɔ mɛi ni tsuɔ nii yɛ jɛmɛ lɛ he.—Kwɛmɔ sane ni yitso ji “To Tip—Or Not” yɛ June 22, 1986, Awake! lɛ baafai 24 kɛyashi 27 kɛha ehe saji.
15 Wo jeŋba ni tsɔɔ Nyɔŋmɔ gbeyeishemɔ lɛ naa mɛi ni bɛŋkɛ wɔ lɛ anɔ hewalɛ waa. Jeŋnyo ko ni ba kpee lɛ yɛ maŋtiasei lɛ ekome mli nyɛsɛɛ afi lɛ wie akɛ: “Mina nyɛwebii lɛ ajeŋba kpakpa lɛ he miishɛɛ waa. Esoro [amɛ] kwraa; amɛkɔlɔɔ jwɛi ni mɔ ko enyɛɛɛ amɛnɔ akɛ amɛfee nakai, ni amɛhe tse waa ni nyɛto nyɛkpee lɛ he gbɛjianɔ fɛfɛo.” Mɛɛ jeŋba ni tsɔɔ Nyɔŋmɔ gbeyeishemɔ lɛ he odaseyeli nɛ!
16 Nɔyeli lɛ mli onukpa ko ni ba kpee lɛ ekome shishi nyɛsɛɛ afi lɛ, yɛ kpee lɛ naagbee gbi lɛ nɔ lɛ ŋma nibii ni ena lɛ ebaha ajinafoi ni kwɛ kpee lɛ nɔ lɛ akɛ: “Enɛ ji klɛŋklɛŋ ni mitee henaabuamɔ ni tamɔ nɛkɛ shishi. Nɔ ni miyoo klɛŋklɛŋ kwraa ji heshibaa, bulɛ kɛ suɔmɔ ni mɛi ni ba kpee lɛ kɛ mɛi ni haa mɛi sɛii lɛ yɔɔ lɛ. Nɔ ni ji enyɔ lɛ, minaa kpɛ mihe waa yɛ bɔ ni kpee lɛ shishi tse keŋkeŋ, yɛ mɛi babaoo ni eba lɛ fɛɛ sɛɛ lɛ he. Akɛni ‘hetsemɔ kɛ Nyɔŋmɔ-jamɔ nyiɛɔ hewɔ lɛ, mihiɛ sɔ hetsemɔ ni nɔ kwɔ waa ni nyɛjie lɛ kpo yɛ he ni nyɛfee kpee lɛ yɛ lɛ.”
17 Ani okɛ ojeŋba kpakpa lɛ baawula Nyɔŋmɔ ni ji wɔyiwalaherelɔ lɛ tsɔɔmɔ lɛ akɛ mɔ aŋkro? Naa gbɛi sɔrɔtoi pii ni abaanyɛ atsɔ nɔ afee enɛ:
Atadewoo kɛ hesaamɔ: Be mii ni wɔyaa kpee lɛ eko lɛ, esaaa ni wɔsusuɔ akɛ wɔmiiya hejɔɔmɔ ko. Shi moŋ. wɔkɛ wɔhe miiha Yehowa ni etsɔɔ wɔ nii Akɛni nakai ji sane lɛ hewɔ lɛ, ani esaaa ni wɔsaa wɔhe tamɔ bɔ ni wɔɔfee kɛji wɔmiiya kpeei yɛ Maŋtsɛyeli Asa lɛ nɔ lɛ? (1 Tim. 2:9, 10) Kɛfata he lɛ, esa akɛ wɔsusu nɔ ni wɔbaawo kɛji akpa kpee lɛ sɛɛ lɛ hu he jogbaŋŋ. Kɛji wɔku wɔsɛɛ wɔtee hei ni wɔwɔɔ lɛ, ani eeejie bɔ ni wɔji lɛ kpo nakai nɔŋŋ, kɛji wɔtsake wɔ atade kpakpa ni tsɔɔ hiɛshikamɔ ni wɔkɛtee kpee lɛ, ni wɔwo atadei ni etsɔɔɔ hesaamɔ kpakpa, tamɔ jeŋbii ahesaamɔ lɛ, ni afli abɔ ni wɔye kɔɔɔ he eko? Ani enɛ haŋ ana wɔ akɛ atadei ni wɔkɛyaa kpee lɛ jeee nɔ ko fe hesaamɔ folo ko kɛkɛ, moŋ fe ni eeefee nɔ ni tsɔɔ wɔshihilɛ gbɛ diɛŋtsɛ? Kaimɔ akɛ, Yehowa gbɛi ka wɔnɔ, ni esa akɛ wɔteŋ mɔ fɛɛ mɔ akwɛ ni akawie naafolɔmɔ wiemɔ ko ni sa ashi anɔkwale gbɛ lɛ.
Esa akɛ akai mɛi ni abaabaptisi amɛ lɛ akɛ esaaa akɛ amɛwoɔ T-shirt ni aŋmala je lɛŋ bii awiemɔi, okadii. aloo jarayeli wiemɔi yɛ mli, yɛ be ni yɔɔ krɔŋŋ tamɔ nɛkɛ mli. Esa akɛ onukpai lɛ akwɛ ni atsɔ hiɛ mra ni akɛ amɛ ati baptisimɔ sanebimɔi lɛ amli, koni akɛɛ mɔ fɛɛ mɔ ni taoɔ ana baptisimɔ lɛ kɛji akpɛlɛ enɔ kɛha baptisimɔ loo akpɛlɛɛɛ enɔ, yɛ be ni sa mli (Kɛ ji akɛ amɛ miiti sanebimɔi lɛ amli lɛ, nakai beaŋ baafee be ni hi ni akɛaawo amɛ ŋaa yɛ atade ni sa jogbaŋŋ kɛha baptisimɔ lɛ he.) Ehe ehiaŋ ni mɛi ni abaabaptisi amɛ, ni onukpai lɛ ekpɛlɛ amɛnɔ lɛ aŋmala amɛgbɛi yɛ kpee lɛ shishi. Shi, esa akɛ akɛɛ amɛ ni amɛtara shi yɛ hiɛ sɛii ni ashi aha mɛi ni abaabaptisi amɛ lɛ anɔ kɛha baptisimɔ wiemɔ lɛ.
Gbɔi atoohei kɛ mɛi ashiai amli: Jiemɔ mumɔ lɛ yibii lɛ kpo yɛ be mli ni otee gbɔi atoohe aloo shia ni ana aha bo lɛ. Kɛ amɛ nitsu’mɔ yɛ blɛoo lɛ, too otsui shi, nu he oha amɛ, ni taakɛ wɔkɛɛ momo lɛ, oke amɛ nii bɔ ni sa.
Gbekɛbii baanyɛ atsu amɛgbɛfaŋnɔ kɛtsɔ bulɛ ni amɛaana amɛha gbɔi atoohe lɛ nibii, kɛ toiboo ni amɛaafee yɛ mlai ni kudɔɔ nu bu ni awuɔ kɛ nibii krokomɛi ahe lɛ nɔ. Ebaaye ebua waa akɛ fɔlɔi ato be ko kɛtsɔ hiɛ dani kpee be lɛ ashɛ, ni amɛkɛ amɛbii lɛ asusu subaŋ ni abaakpa gbɛ yɛ amɛhe lɛ he, ni amɛkai amɛ yɛ gbɛnaa nii ni ka amɛnɔ aŋkroaŋkro akɛ amɛhi shi yɛ Kristofoi asubaŋi anaa lɛ he.
Tsɔnei ni Akɛmɔmɔɔ Wiemɔi: Eyɛ mli akɛ aŋmɛɔ video mfoniri shamɔ tsɔne gbɛ moŋ, shi wɔle akɛ obaasusu mɛi krokomɛi ahe. Etsɔŋ suɔmɔ akɛ aaatsĩ mɛi krokomɛi ni eba kpee lɛ ahiɛ yɛ be mli ni amɔɔ wiemɔ lɛ awoɔ kpaa nɔ lɛ. Kɛji obaanyɛ omɔmɔ yɛ nilee mli yɛ he ni ota lɛ, no lɛ naatsii ko bɛ nakai ni ooofee lɛ he. Shi, ofainɛ kaimɔ akɛ, akɛ mfoniri shamɔ tsɔnei loo tsɔnei ni akɛmɔmɔɔ wiemɔi lɛ asɛɛ kpai lɛ tsaaa sarawa hewalɛ kpai loo adekai ni wiemɔi lɛ tsɔɔ mli lɛ asɛɛ kpai lɛ yɛ kpee lɛ shishi, ni nakai nɔŋŋ hu esaaa ni akɛ tsɔnei nɛɛ eko maa sɛii lɛ ateŋ loo he ni atsɔɔ kɛjeɔ kpo lɛ.
Shitaramɔ: Nyɛfainɛ nyɛkaia akɛ OBAANYƐ OSHI SƐII OHA OWEKU KƆKROƆ LƐ MLI BII KƐ MƐI Nl KƐ BO BAAFA GBƐ YƐ BƐ DIƐŊTSƐ OTSƆNE MLI LƐ PƐ. Kɛfata he lɛ. nyɛfainɛ nyɛsusua mɛi ni edara yɛ afi amli lɛ ahe. Be ko ni eho lɛ, ebalɛ akɛ esa akɛ nyɛmimɛi ni edara nɛɛ ayatara hei ni ehiii haaa amɛ. Tɔmɔ ko bɛ he akɛ okɛ osɛi lɛ baaha mɔ ko ni eda yɛ afi amli ni eetao he ko eta, titri lɛ kɛji nyɛtaraaa shi akɛ weku aloo mɛi ni kɛ tsɔne kome ba. Enɛ baafee okadi ni tsɔɔ bɔ ni Kristofonyo susuɔ mɛi krokomɛi ahe ehaa
Bo diɛŋtsɛ onibii: Wɔmiiwo ŋaa ni okɛ bo diɛŋtsɛ onibii fioo ko pɛ aba kpee lɛ shishi Kɛ nɛkɛ nibii nɛɛ eko eyaŋ osɛi lɛ shishi lɛ, no lɛ ebaahi akɛ oshi yɛ shia aloo yɛ okar lɛ sɛɛ. Asumɔŋ ni akɛ nu tɔi agboi amamɔ hei ni atsɔɔ yɛ sɛii lɛ ateŋ lɛ yɛ shweshweeshwe-feemɔ hewɔ, ni kɛ okɛma sɛi ni ma omasɛi lɛ hu nɔ lɛ, ekolɛ ehaŋ mɔ ko ana sɛi ni eta nɔ.
Niyenii ni amɛhoomo waaa: Yɛ Yesu wiemɔi ni yɔɔ Mateo 4:4 kɛ Yohane 6:2’7 lɛ kɛ gbeekpamɔ naa lɛ, abaabɔ mɔdɛŋ waa yɛ kpeei lɛ fɛɛ ashishi ni aha niyenii he gbɛjianɔtoo lɛ afee nɔ ni amɛhe nitsumɔ waaa kwraa. Ani okɛ wɔ kpaaa gbee akɛ esa akɛ mɛi ni kɛ amɛhe eha ni amɛtsuɔ nii yɛ Food Service Department lɛ hu ana mumɔŋ gbɛjianɔtoo lɛ he sɛɛ kɛmɔ shi? Ni kɛlɛ te amɛaafee tɛŋŋ amɛna he sɛɛ yɛ mumɔŋ kɛji yɛ be mli ni amɛtsuɔ wɔheloonaa hiamɔ nii ahe nii 1ɛ, amɛtsuɔ nii fe nine, ni no haa etɔɔ amɛ ni amɛwoɔ beni ahaa wiemɔ lɛ? No hewɔ lɛ akɛ niyenii ni amɛhe nitsumɔ waaa baatsu nii yɛ he fɛɛ he. Abaajie niyenii ni amɛhoomɔ heɔ be babaoo ni amɛhoomɔ wa hu lɛ kɛjɛ mli. Nɔ fɛɛ nɔ ni abaahoo lɛ baafee nɔ ni ehe nitsumɔ waaa, ni hi, ni jara baa shi hu. Mɛi ni yɔɔ hegbɛ akɛ amɛaaye nii jogbaŋŋ yɛ shia leebi, ni amɛkɛ amɛ shwane niyenii aba kpee lɛ shishi lɛ yɛ hegbɛ akɛ amɛfeɔ nakai. Aawo mɔ fɛɛ mɔ hewalɛ ni ejɛ esuɔmɔ mli etsu too yɛ kpee ni ebaaya lɛ shishi Esaaa akɛ wɔkpaa niyeli he lɛ pɛ gbɛ akɛ abaana shika kɛjɛ Jɛmɛ ni akɛti Maŋtsɛyeli nitsumɔ lɛ sɛɛ.
18 Mumɔŋ okpɔlɔŋmɛɛ kpele ko miimɛ wɔ fɛɛ Shɛ jɛmɛ mra yɛ bei sɔrɔtoi lɛ fɛɛ mli, kɛjɛ shishijee be le nɔ yɛ Soo. Bo toi jogbaŋŋ ni ona gbɛtsɔɔmɔ ni he hiaa kɛjɛ Nyɔŋmɔ Wiemɔ lɛ miifɔ̃ Mose 31:12.
19 Kwɛ hegbɛ ni wɔna akɛ Yehowa atsɔɔ wɔ nii! Nɔ ni baajɛ wɔbe, hewalɛ, kɛ wɔheloonaa nii ni wɔkɛtsuɔ nii kɛfiɔ “Ŋwɛi Nitsɔɔmɔ” Kpokpaa Wulu nɔ kpee lɛ sɛɛ lɛ mli aba lɛ baafee mumɔŋ sɛɛnamɔi ni hiɔ shi daa, kɛha wɔ diɛŋtsɛ kɛ wɔwekui fɛɛ.
Kpokpaa Wulu nɔ kpee he Kaimɔi
Hesaamɔ Kpakpa: Ehe miihia ni mɛi fɛɛ ni yaa kpee lɛ shishi lɛ kɛ hesaamɔ kpakpa atsu nii. ni amɛkɛ bulɛ asusu henaabuamɔ he lɛ he akɛ “Nyɔŋmɔ we.” (Lala 66:15) Be mli ni ahaa wiemɔi afeɔ dramai, alaa, kɛ titri lɛ beni asɔleɔ lɛ, ofainɛ kaafee nɔ kroko ni baagbala mɛi krokomɛi ni boɔ nɔ ni yaa nɔ lɛ toi lɛ ajwɛŋmɔ Nyiɛmɔ kɛyaa kɛbaa kɛkɛ, kɛ sanegbaai ni miiya nɔ, aloo mfoniri shamɔ aloo Video shamɔ tsɔnei ni amɛkanei anaa wa, ni wɔkɛaatsu nii bɔ ni eeegbala mɛi ni boɔ nɔ ni awieɔ lɛ toi lɛ ajwɛŋmɔ lɛ etsɔɔɔ bulɛ. Mɛi krokomɛi ahesusumɔ kɛ jeŋba kpakpa ni wɔkɛaatsu nii lɛ baajie lɛ kpo akɛ wɔhiɛ sɔɔ ŋwɛi nitsɔɔmɔ yɛ anɔkwale mli, ni wɔba kpee lɛ shishi ni Yehowa atsɔɔ wɔ nii.
Tsu he gbɛjianɔtoo: Nyɛfainɛ nyɛkɛ Rooming Department ni yɔɔ kpee lɛ shishi lɛ afea ekome kɛtsɔ he ni aha bo lɛ hilɛ nɔ. Ehiɛ haaa wɔyi afa tsɔ ni ekɛ naagbai bu baaa hei krokomɛi ni wɔsusuɔ akɛ jɛmɛ hi waa lɛ. Bɔɔ mɔdɛŋ ni oshɛ kpee lɛ shishi mra koni anyɛ atsɔɔ bo he ni obaahi lɛ yɛ be ni sa mii. Jiemɔ hiɛsɔɔ kpo yɛ oshiatsɛ lɛ gbɔfeemɔ lɛ he, ni okai ni oha ojeŋba afee odaseyeli (1 Pet. 2:12; 1 Kor. 4:9b; Kol. 3:15) Ha he ni aha bo lɛ afee falefale jogbaŋŋ. Taakɛ wɔtsi ta da lɛ, eyɛ mli akɛ atsɔɔ akɛ aheee shika yɛ wɔɔhe lɛ he moŋ, shi Asafo lɛ hiɛ sɔɔ kpeeyalɔi ni jɛɔ niiahesusumɔ mli amɛkɛ shika yelikɛbuamɔ haa yɛ kpee lɛ shishi kɛha amɛwɔɔhei lɛ waa.
Baptisimɔ: Esa akɛ mɛi fɛɛ ni abaabaptisi amɛ lɛ fɛɛ atara shi yɛ he ni abaatsɔɔ amɛ lɛ dani wiemɔ lɛ aje shishi Hɔɔ leebi. Esa akɛ mɛi fɛɛ ni toɔ gbɛjianɔ ni abaptisi amɛ lɛ kɛ atade ni sa ni akɛbaabote nu mli kɛ papam aba. Kɛ wielɔ lɛ ha baptisimɔ wiemɔ lɛ egbe naa ni esɔle lɛ, leebi kpee lɛ sɛinɔtalɔ lɛ kɛ gbɛtsɔɔmɔi fioo ko baaha mɛi ni abaabaptisi amɛ lɛ ni no sɛɛ lɛ ebaatse lala ni abaala. Kɛ agbe naagbee kuku lɛ lamɔ naa lɛ, nyɛmimɛi ni kwɛɔ shitaramɔ nɔ lɛ baatsɔɔ mɛi ni abaabaptisi amɛ lɛ agbɛ kɛya he ni abaamii amɛ nu yɛ lɛ aloo tsɔnei ni kɛ amɛ baaya jɛmɛ lɛ ahe Akɛni baptisimɔ ni feɔ mɔ ko henɔjɔɔmɔ he Okadi lɛ ji teemɔŋ sane ni ka mɔ lɛ diɛŋtsɛ pɛ kɛ Yehowa teŋ hewɔ lɛ, atoko gbɛjianɔ ko ahako nɔ ni afɔɔ lɛ tsɛmɔ akɛ hefatalɔi abaptisimɔ ni mɛi enyɔ loo mɛi ni fa fe nakai fuaa amɛhe loo amɛhiɛo amɛniji amli beni abaptisiɔ amɛ lɛ.
Volunteer loo Kpee Shishi Nitsumɔ: Mɛi ni kɛ amɛhe baaha kɛba nitsumɔ he miihia bɔni afee ni kpokpaa wulu nɔ kpee lɛ anyɛ aya nɔ pɛpɛɛpɛ Kɛ be ni afeɔ kpee lɛ mli be fioo ko pɛ obaanyɛ okɛtsu nii po lɛ, wɔhiɛ baasɔ nii ni obaatsu lɛ waa diɛŋtsɛ. Kɛ obaanyɛ oye obua lɛ, no lɛ ofainɛ yaa Volunteer Service Department loo mɛi ni kwɛɔ mɛi ni baatsu nii lɛ anɔ lɛ aŋɔɔ kɛji oyashɛ kpee lɛ shishi. Gbekɛbii ni yeko afli 16 lɛ hu baanyɛ aye abua ni kpee lɛ aye omanye, shi aabi ni amɛkɛ amɛfɔlɔi loo onukpai krokomɛi ni baakwɛ amɛnɔ atsu nii.
Tsitsinaa-tsɛɛ Nii: Ofainɛ tsɛɛ tsitsinaa-tsɛɛ nii ni ajɛ gbɛ afee kɛha kpee lɛ yɛ kpee lɛ shishi, kɛ agbɛnɛ beni oyaa loo ojɛɔ he ni afeɔ kpee lɛ yɛ lɛ. Bei pii lɛ ehaa wɔnyɛɔ wɔyeɔ odase beni wɔfaa gbɛ lɛ. Esa akɛ ohe tsitsinaa-tsɛɛ nii lɛ yɛ osafo lɛ mli, ejaakɛ ake eko baŋ kpeei lɛ ashishi
Mɔ Diɛŋtsɛ Kadimɔ Nii: Kɛfata “Ŋwɛi Nitsɔɔmɔ” Kpɛɛ lɛ tsitsinaa-tsɛɛ nii lɛ ahe lɛ, aawo mɔ fɛɛ mɔ hewalɛ ni ehiɛ e-Medical Directive wolo lɛ hu. Enɛ he miihia waa.
Gbɛgbamɔ Kadimɔ Wolo: Ehe baahia ni daa gbɛgbalɔi kɛ gbɛgbalɔi krɛdɛɛi, kɛ agbɛnɛ nɔkwɛlɔi gbɛfalɔi kɛ amɛŋamɛi kɛ Betel weku lɛ mii bii fɛɛ kɛ amɛ Pioneer Service Identification (S-202) wolo lɛ aba kpee lɛ. Ja gbɛgbalɔi lɛ kɛ amɛ Pioneer Service Identification wolo lɛ etsɔɔ yɛ woji ahɔɔmɔ he lɛ dani amɛnine baanyɛ ashɛ woji ni abaajie amɛ kpo ni abaake amɛ, aloo nɔ ni amɛ diɛŋtsɛ amɛtaoɔ amɛhe kɛ gbɛgbalɔi ajara lɛ nɔ. Abaaba gbɛgbalɔi ni beni baashɛ kpee ni amɛbaaya lɛ nɔ lɛ, no mli lɛ amɛna nyɔji ekpaa loo nɔ ni fe nakai lɛ niyeli tikiti ni naa shɛɔ 2,000 kɛ amɛkɛ amɛ Identification wolo lɛ tsɔɔ yɛ nakai kpee kome le pɛ shishi. Aŋmɛɛɛ gbɛ ni gbɛgbalɔi ahɔɔ nɛkɛ kpee shishi tikiti nɛɛ. Eba akɛ amɛkɛ tikiti ni baashwɛ lɛ aku sɛɛ aha Audit Department loo shika he akɔntaabulɔi Iɛ kɛ agbe kpee lɛ naa.
Ŋaawoo Wiemɔ ko Nɛ: He fɛɛ he ni okɛ otsɔne baama lɛ, esa akɛ oŋmɛ mli be fɛɛ be ni esaaa ni oshiɔ nɔ ko yɛ mli ni aana. Kɛ ebaahi lɛ okɛ onibii lɛ awo tsɔne lɛ sɛɛ ni oŋmɛ mli. Agbɛnɛ hu kwɛmɔ ohe nɔ jogbaŋŋ yɛ julɔi kɛ mɛi ni sharaa nii kɛjɛɔ mɛi akotokui amli, ni amɛsumɔɔ henaabuamɔi ni tamɔ nɛkɛ lɛ ahe. Enɛ hu biɔ ni wɔkashi nɔ ko ni jata wa yɛ sɛii lɛ anɔ yɛ kpee lɛ shishi ni mɔ ko kwɛɛɛ nɔ. ‘Wɔnu amaniɛbɔi nɛɛ komɛi hu ni tsɔɔ akɛ gbɔmɛi fɔji komɛi kaa akɛ amɛaalaka gbekɛbii bibii lɛ kɛjɛ hei ni afeɔ kpee lɛ yɛ lɛ. Nyɛfainɛ nyɛkwɛa nyɛhe nɔ jogbaŋŋ.
Abɔ amaniɛ akɛ gbɔi atoohei lɛ ekomɛi jieɔ televishin nɔ sinii ni maa jeŋba shara nɔ mi kɛ bii ke yei ni ejie amɛhe efoji amɛtsɔɔ. Enɛ maa bɔ ni ehe hiaa ni akwɛ ni atsi gbekɛbii a-TV kwɛmɔ ni akwɛɛɛ amɛnɔ lɛ naa yɛ nɛkɛ wɔɔhei nɛɛ lɛ nɔ mi.