Bɔ Ni Ooofee Otee Miishɛɛ Shi
1 Wɔkaseɔ kɛjɛɔ wiemɔi komekomei ashishitsɔɔmɔ wolo ko mli akɛ ‘atee nɔ ko shi loo alɛ, asaa’ lɛ tsɔɔ nɔ ko saamɔ kɛha shweremɔ. Shi nɛkɛ wiemɔ nɛɛ baanyɛ atsɔɔ hiɛyaa kɛtsɔ nitsumɔ, nɔ ko nɔkwɛmɔ loo nikasemɔ nɔ. Kaselɔ-feemɔ ji yiŋtoo titri yɛ wɔsɔɔmɔ lɛ mli. (Mat. 28:19, 20) No hewɔ lɛ ehe miihia ni wɔbɔ mɔdɛŋ ni wɔtsu miishɛɛ ni wɔnaa yɛ sɔɔmɔ nitsumɔ lɛ mli lɛ he nii.
2 Ebiɔ sɛɛsaramɔ shii abɔ dani anyɛ aha aŋkroaŋkroi ni yɔɔ tsuijurɔ lɛ amumɔŋ shweremɔ aya hiɛ. Esa akɛ sɛɛsaramɔi ni woɔ yibii lɛ kɛ Biblia mli nikasemɔ ni afeɔ daa aba.
3 Ani oyasaraa mɛi ni jieɔ miishɛɛ babaoo kpo amɛtsɔɔ lɛ pɛ? Ehe ehiaaa ni okɛ wolo aha dani oyafee sɛɛsaramɔ. Ŋmalɛ mli sanegbaa kpakpa hu kɛ nɔ ni aaadamɔ nɔ afee sɛɛsaramɔ haa.
4 Okɛ Dɛhiɛmɔ Woji Atsu nii ni Okɛje Biblia Kasemɔi Ashishi yɛ Sɛɛsaramɔ Be Mli: Wɔ dɛhiɛmɔ woji lɛ amli saji lɛ fɛɛ kɔɔ wɔgbii nɛɛ ahe. Amɛmaa bɔ ni ehe hiaa ni ana Biblia mli nilee ni akɛtsu nii yɛ shihilɛ mli lɛ nɔ mi.