Adafitwai

◼ Wolo ni akɛbaaha yɛ October: Life​—How Did It Get Here? By Evolution or by Creation? November: Awake! loo Buu-Mɔɔ loo woji tɛtrɛbii enyɔ lɛ fɛɛ shɛɛ. December: New World Translation kɛ The Bible​—God’s Wordor Man’s? wolo lɛ January: Gbɔmɔ ni Fe Mɔ Fɛɛ Mɔ ni Ehi Shi Pɛŋ. KADIMƆ: Asafoi ni eshɛko tafaa woji ni wɔtsi ta yɛ yiteŋgbɛ nɛɛ baanyɛ afee nakai yɛ amɛ daa nyɔŋ nɔ Literature Order Form (S-14) ni baanyiɛ sɛɛ lɛ nɔ.

◼ Onukpai asɛinɔtalɔ lɛ akwɛ koni akwɛ asafo lɛ shika he akɔntaabuu mli. Kɛji akwɛ mli agbe naa lɛ, esa akɛ atswa he adafi atsɔɔ asafo lɛ.

◼ Akɛ gbɛtsɔɔmɔ eha yɛ Organized to Accomplish Our Ministry wolo lɛ baafai 103-4 yɛ nɔ ni abaanyɛ akɛfata shiɛmɔ ŋmɛlɛtswaa he akɔntaabuu he lɛ he. Mɛi komɛi ebi sane kɛji shiɛlɔ ni jieɔ wiemɔ naa ehaa wielɔ ko ni miiha maŋshiɛmɔ lɛ baanyɛ abu be lɛ he akɔntaa lo. Hɛɛ. wielɔ lɛ kɛ enaajielɔ lɛ fɛɛ baanyɛ amɛkɛ be ni amɛyɛ lɛ afata amɛshiɛmɔ he akɔntaabuu lɛ he.

◼ Woji Heei ni Yɔɔ:

Blɔfo: Theocratic Ministry School Guidebook (1992 nɔ) ; Jehovah’s Witnesses in The Twentieth Century (1989 nɔ) ; Reasoning From the Scriptures (1989 nɔ) .

Atsake nihii fioo ko yɛ Obaanyɛ Ohi Shi Kɛya Naanɔ yɛ Paradeiso gɛ Shikpɔŋ Nɔ lɛ mli(yɛ 1989 mli.) Yɛ Abɛi 4:18 kɛ gbeekpamɔ naa lɛ, kɛji sɔrɔto-feemɔ ko je kpo yɛ he ko lɛ, esa akɛ akɛ nɔ ni yɔɔ wolo hee lɛ mli lɛ atsu nii.

Sɔɔmɔ Ajinafoi Akui lɛ akai nibii ni nyiɛ sɛɛ nɛɛ jogbaŋŋ:

Ani nyɛkɛ Congregations Analysis Report (S-10) lɛ emaje Asafo lɛ momo?

◼ Ani nyɛkɛ Literature lnventory (S-18) wolo ni aŋmala nibii ni ataoɔ yɛ nɔ lɛ eku sɛɛ amaje Ɔfis lɛ?

◼ Ani nyɛkɛ nyɛ asafo lɛ Special Service Forms Order kɛha 1993 lɛ emaje momo?

Nyɛhiɛa Ekomefeemɔ Mli Akɛ Kristofoi Ni Kɛ Amɛhe Woo Maŋ Saji Amli

¹ “Nyɔŋmɔ jamɔ ni he tse ni ehe bɛ muji ko yɛ Nyɔŋmɔ kɛ Tsɛ lɛ hiɛ ji enɛ: akɛ . . . mɔ [a]to ehe kɛjɛ je nɛŋ koni ekawo ehe muji.” (Yak. 1:27) Te esa akɛ akɛ shishitoo mla nɛɛ atsu nii aha tɛŋŋ kɛ abɔi maŋkwramɔŋ nifeemɔi lɛ? Kristofoi jɛɛɛ je lɛ mli, taakɛ bɔ ni Yesu hu jɛɛɛ je lɛ mli lɛ;’ amɛkɛ amɛhe wooo maŋ saji amli.​—Yoh. 17:⁠16.

² Reasoning wolo lɛ tsɔɔ maŋ saji ni akɛ he wooo mli lɛ shishi yɛ baafa 269 akɛ “shidaamɔ ni mɛi ni fiii kui enyɔ loo nɔ ni fa fe nakai ni kɛ amɛhe shiɔ mple lɛ ateŋ mɔ ko loo amɛ fɛɛ amɛsɛɛ lɛ kɔɔ. . . . Anɔkwa Kristofoi ebɔ mɔdɛŋ waa akɛ amɛaahiɛ amɛhe ni amɛkɛwooo maŋ saji amli lɛ mli kpɛŋŋ, yɛ je lɛŋ kui ni kɛ amɛhe beɔ lɛ agbɛfaŋ, yɛ maŋ fɛɛ maŋ mli, kɛ agbɛnɛ yɛ shihilɛi sɔrɔtoi hu fɛɛ shishi. Amɛtsiii nɔ ni mɛi krokomɛi feɔ, tamɔ nɔ ni kɔɔ . . . maŋkwramɔŋ kuu mlibotemɔ, maŋkwramɔŋ gbɛhe taomɔ, kɛ oshikifɔɔ he lɛ naa. Shi amɛ diɛŋtsɛ lɛ, amɛjaa Yehowa, Biblia mli Nyɔŋmɔ lɛ pɛ; amɛjɔɔ amɛwala nɔ kwraa amɛha lɛ ni amɛfiɔ e-Maŋtsɛyeli lɛ sɛɛ kwraa kɛmɔɔ shi.”

³ Nɔ ni enɛ tsɔɔ ji akɛ, Yehowa Odasefoi ni yɔɔ jeŋ fɛɛ lɛ kɛ amɛhe haaa ni afɔ oshiki aha amɛ ni akɛhala amɛ awo maŋkwramɔŋ gbɛhe ko mli, ni amɛfataaa maŋkwramɔŋ gbɛjianɔtoi ahe, ni amɛkɛ amɛhe wooo oshikifɔɔ ni akɛhalaa mɛi lɛ mli, yɛ Kristo, amɛhiɛnyiɛlɔ lɛ kasemɔ mli. (Yoh. 6 15; 18:36) Yiŋtoo ni yɔɔ shidaamɔ nɛɛ sɛɛ ji akɛ “jeŋ muu lɛ fɛɛ ka mɔ fɔŋ lɛ mli,” no hewɔ lɛ mɔ fɛɛ mɔ ni “sumɔɔ akɛ etsɔ je nɛɛ hedɔlɔ lɛ etsɔ Nyɔŋmɔ henyɛlɔ.”​—1 Yoh. 5:​19; Yak. 4:4; Okɛto Mateo 4:​8-10 he.

⁴ Ani enɛ tsɔɔ akɛ, belɛ, akutsoŋ he ni amɛyɔɔ lɛ shihilɛ kpakpa hamɔ jeee Yehowa Odasefoi lɛ ahe sane ko? Dabi kwraa! Akɛ anɔkwa Kristofoi lɛ, amɛyaa nɔ amɛhiɔ shi akɛ maŋbii kpakpai kɛtsɔ amɛtoo ni amɛwoɔ kɛ amɛhe ni amɛkɛwoɔ nitsumɔi ni haa akutsoŋ shihilɛ yaa hiɛ lɛ mli lɛ nɔ. Amɛhiɛɔ jeŋba kpakpa hu mli yɛ shia, skul, kɛ amɛnitsumɔ hei hu. Akɛni amɛtsiɔ amɛhe kɛjɛɔ jeŋba shara, daatɔɔ, tsofai fɔji kɛ nitsumɔ, kɛ efɔji krokomɛi fɛɛ he hewɔ lɛ, anɔkwa Kristofoi kɛ amɛwekui lɛ kɛ jatsu ko efɔɔɔ akutsoŋ he ni amɛyɔɔ lɛ nɔ, shi moŋ amɛyeɔ amɛbuaa ni ehaa emli shihilɛ yaa hiɛ.

⁵ Anɔkwa Kristofoi le kɛjɛ Biblia lɛ mli akɛ tsabaa koome pɛ ni yɔɔ kɛha adesai anaagbai babaoo nɛɛ fɛɛ ji Nyɔŋmɔ Maŋtsɛyeli ni etsɛŋ ni ebaakpa enɔyeli lɛ mli kɛbashɛ shikpɔŋ nɛɛ nɔ lɛ. (Dan. 2:​44; Kpoj. 21:​3-5) No hewɔ lɛ, ni amɛkɛ amɛhe aaawo maŋkwramɔŋ naataomɔi amli moŋ lɛ, Yehowa Odasefoi kɛ ekaa yeɔ amɛbuaa amɛkuuŋbii koni amɛnyiɛ gbɛ ni kɛ mɔ yaa naanɔ wala mli lɛ nɔ.(1 Tim. 4:8; Yoh. 3:16) Akɛni amɛkɛ amɛjwɛŋmɔ maa Maŋtsɛyeli hiɛnɔkamɔ ni ma shi Shiŋŋ lɛ nɔ hewɔ lɛ, anɔkwa Kristofoi hiɛɔ amɛ ekomefeemɔ kɛ amɛhe ni amɛkɛwooo maŋ saji amli lɛ mli yɛ jeŋ ni mli egbala mli.​—1 Kor. 1:​10; 1 Pet. 4:⁠8.

Ani Abaanyɛ Atsiɛ Miishɛɛ Iɛ Hiɛ Ekoŋŋ

¹ “Miishɛɛ ji mɛi ni hiɛ yɔɔ amɛmumɔŋ hiamɔ nii anɔ lɛ.” (Mat. 5:​3, NW) Shishinumɔ babaoo yɛ nɛkɛ wiemɔi nɛɛ ni Yesu wie yɛ Gɔŋ nɔ Shiɛmɔ lɛ mli lɛ he. Adesai ateŋ mɛi pii ji mɛi ni yooo akɛ mumɔŋ nibii ahe hiaa amɛ bɔni afee ni amɛha amɛshihilɛ afee miishɛɛ kɛ nɔ ni yiŋtoo hu yɔɔ he. Mɛi komɛi hu yɛ ni be ko lɛ amɛhiɛ ba amɛmumɔŋ hiamɔ nii anɔ, shi kɛkɛ ni amɛlaaje lɛ ekoŋŋ. Nɔ ko ha amɛhe jɔ kwraa yɛ mumɔŋ nibii agbɛfaŋ. Ni amɛtsi amɛhe kɛjɛ nii ni yɔɔ sɛɛnamɔ kɛha amɛ lɛ he. Sanebimɔ lɛ ji, Ani abaanyɛ atsiɛ nɛkɛ gbɔmɛi nɛɛ amiishɛɛ lɛ hiɛ ekoŋŋ? Miishɛɛ sane ji, yɛ mɛi komɛi agbɛfaŋ lɛ abaanyɛ.

² Ekolɛ ole mɔ ko ni kɛ Yehowa Odasefoi kase Biblia lɛ afii babaoo nɛ, ekolɛ beni eji gbekɛ po, shi eyaaa nɔ ekɛ Nyɔŋmɔ webii lɛ ebɔɔɔ dɔŋŋ. Shi kɛlɛ, ekolɛ Biblia lɛ tsɔɔmɔi kɛ jalɛ Shishitoo mlai lɛ ekomɛi kɛ̃ eka nakai mɔ lɛ jwɛŋmɔ mli ni enyɛɔ ekaiɔ lolo. Beni je lɛŋ shihilɛ yaa nɔ efiteɔ babaoo ni shihilɛ hu tsakeɔ yɛ mɔ wala be mli nɛɛ, ehaa akaiɔ nibii ni akase tsutsu lɛ, ni ekolɛ mɔ lɛ baaku esɛɛ kɛba Nyɔŋmɔ ŋɔɔ ekoŋŋ ni eeefee klalo akɛ eeekase Biblia mli nilee babaoo efata he. Nɛkɛ gbɔmɛi nɛɛ aŋɔɔ ni wɔɔya kɛ yiŋtoo akɛ wɔkɛ amɛ baaje Biblia mli nikasemɔ shishi ekoŋŋ lɛ he baanyɛ aba sɛɛnamɔ babaoo diɛŋtsɛ.

³ Eka shi faŋŋ akɛ esa akɛ wɔbɔ mɔdɛŋ yɛ be kɛ bei amli ni wɔya mɛi ni ba Kaimɔ lɛ shishi lɛ aŋɔɔ. Ha amɛle akɛ okɛ miishɛɛ susuɔ amɛmumɔŋ shihilɛ he waa diɛŋtsɛ, koni oha amɛ hegbɛ akɛ okɛ amɛ baakase Biblia lɛ. Esa akɛ abɔ mɔdɛŋ waa hu ni akɛye abua mɛi ni ba “Mɛi ni Sumɔɔ Nyɔŋmɔ Heyeli” Kpokpaa Wulu nɔ Kpee lɛ kɛ gbii enyɔ kɛ gbi kome kpee ni afee nyɛsɛɛ nɛɛ yɛ kpokpaa lɛ nɔ lɛ shishi lɛ hu. Yɛ shihilɛ komɛi amli lɛ, ebaahi jogbaŋŋ akɛ shiɛlɔ kroko baaya mɔ ko ni enikasemɔ lɛ sɛɛ fo yɛ hiɛyaa ni eyabaaa hewɔ lɛ ŋɔɔ.

⁴ Eji anɔkwale akɛ, wɔkpaa gbɛ akɛ gbɔmɛi ni wɔkɛ amɛ kaseɔ nii lɛ kɛ hiɛdɔɔ baasusu Yehowa jamɔ he, ni amɛjie ekaa kpo yɛ amɛ Biblia lɛ kasemɔ hu mli. Shi yɛ wɔgbɛfaŋ lɛ, wɔmiitao wɔna nɔmimaa akɛ wɔbɔ mɔdɛŋ bɔ ni sa ni wɔkɛaaye wɔbua amɛ, ni ákɛ wɔbaanyɛ wɔnu he yɛ mɛi krokomɛi ahe tamɔ bɔ ni bɔfo Paulo nu he beni ewie akɛ, “miyeee nyɛteŋ mɔ ko mɔ ko la yi sɔ” lɛ.​—Bɔf. 20:⁠26.